ရန်ကုန်၊ ဧပြီ ၄
မတ်လ ၂၈ ရက်နေ့ မွန်းလွဲ ၁၂ နာရီ ၅၂ မိနစ်အချိန် ပြင်းအား ၇ ဒသမ ၇ အဆင့်ရှိ ငလျင်ကြီး လှုပ်ခတ်ခဲ့ရာတွင် နေပြည်တော်၊ ခြောက်လုံးတန်းရှိ မင်းအောင်လှိုင်၏ နေအိမ်မှာလည်း ထိခိုက်ပျက်စီးမှုများရှိခဲ့ကြောင်း၊ ထိုသို့ ပျက်စီးမှုများ ဖြစ်ပေါ်ခဲ့သည့်အတွက် နေပြည်တော်တွင် ရောက်ရှိနေသည့် မင်းအောင်လှိုင်၏ သား အောင်ပြည့်စုံ၊ သမီး ခင်သီရိသက်မွန်နှင့် မြေးတချို့ကို အထူးရဟတ်ယာဉ်ဖြင့် ရန်ကုန်သို့ ပို့ဆောင်ခဲ့ကြောင်း သိရှိရသည်။
မင်းအောင်လှိုင်တွင် သားနှင့်သမီးမှ ပေါက်ဖွားသော မြေး ၅ ဦး ရှိပြီး ယင်းမြေးများမှာ မင်းအောင်လှိုင်၏ လူယုံ မောင်မောင်နိုင်၏ ညီအစ်ကိုတော်စပ်သူ ဒေါက်တာ မောင်မောင်လတ်(Lucky Man ဘက်ထရီနှင့်တာယာလုပ်ငန်း ဒါရိုက်တာ) နှင့်ဇနီးဖြစ်သူ ချောစုလှိုင်တို့ ဖွင့်လှစ်ထားသော EMPS (Excellent Myanmar Private School) ကျောင်းတွင် ပညာသင်ကြားနေကြကြောင်း၊ ကျောင်းပိတ်ရက်များနှင့် ကျောင်းနားချိန်များတွင် မင်းအောင်လှိုင်ရှိသော နေ ပြည်တော်သို့ သွားရောက် လည်ပတ်လေ့ရှိကြောင်း သိရှိရသည်။
မင်းအောင်လှိုင်၏သား အောင်ပြည့်စုံတွင် သမီးအကြီး ချစ်ပိုး(ခေါ်) ခင်ငြိမ်း ချမ်းပြည့်စုံလှိုင်၊ ခင်ဘုန်းမြတ်ပြည့်စုံလှိုင်(ခေါ်) ရွှေပိုးနှင့် အငယ်ဆုံးကလေး အပါအဝင် သမီး ၃ ဦးရှိကြောင်း၊ သမီး ခင်သီရိသက်မွန်တွင်မူ အိပိုး (ခေါ်) ဧကရီသက်မွန်လှိုင်နှင့် မေပိုး(ခေါ်) မေဘရဏီသက်မွန်လှိုင် သမီး ၂ ဦးရှိကြောင်း သိရှိရသည်။
ပုံမှန်အားဖြင့် မင်းအောင်လှိုင်နှင့်ဇနီးတို့ သည် သင်္ကြန်အားလပ်ရက်များတွင် ပြင်ဦးလွင်တွင် သား၊ သမီး၊ မြေးများနှင့်အတူ အချိန်ဖြုန်းလေ့ရှိကြောင်း၊ ယင်းအချိန်များတွင်လည်း စစ်တပ်၏ အထူးရဟတ်ယာဉ်ကို မိသားစုအတွက် သုံးစွဲလေ့ရှိကြောင်း သိရှိရသည်။
ဓာတ်ပုံ – မင်းအောင်လှိုင် မိသားစု။ (ပုံအဟောင်းဖြစ်ပါသည်။)
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
