ပန်းတောင်းမြို့နယ်၊ စစ်တပ်၏ ညောင်ကျိုးဗျူဟာစခန်းကုန်းကို AA က သိမ်းပိုက်ရရှိ၊ စစ်တပ်က အပစ်ရပ်ရေး ကြေညာချက်ကို ချိုးဖောက်၍ AA ကို တိုက်ခိုက်နေ
ပဲခူးတိုင်း၊ ပန်းတောင်းမြို့နယ်ရှိ စစ်ကောင်စီ၏ ညောင်းကျိုးဗျူဟာစခန်းကုန်းကို အလုံးစုံ သိမ်းပိုက်ရရှိကြောင်း AA က သတင်းထုတ်ပြန်သည်။
ဧပြီလ ၂ ရက်နေ့တွင် ပဲခူးတိုင်း၊ ညောင်ကျိုးဗျူဟာစခန်းကုန်းကို အာရက္ခတပ်တော်က အလုံးစုံသိမ်းပိုက်ရရှိနိုင်ခဲ့ကြောင်း၊ ယင်းစခန်းကို မတ်လ ၁၇ ရက်နေ့မှ စတင်ထိုးစစ်ဆင်တိုက်ခိုက်ခဲ့ပြီး ၁၆ ရက်ကြာအောင် ထိုးစစ်ဆင်တိုက်ခိုက်ခဲ့ရခြင်းဖြစ် ကြောင်း၊ AA အနေဖြင့် ကစဉ့်ကလျား ဆုတ်ခွာထွက်ပြေး နေသော စစ်ကောင်စီတပ်ဖွဲ့ဝင်များကို ဆက်လက်ထိုးစစ်ဆင်တိုက် ခိုက်၍ရသော အခွင့်အရေးရှိခဲ့သော် လည်း တစ်ဖက်သတ်အပစ်ရပ်ခဲ့သောကြောင့် အဆိုပါနေရာများကို ဆက်လက်ထိုး စစ်ဆင်တိုက်ခိုက်မှု မပြုလုပ်တော့ဘဲ ထိုးစစ်များကို ရပ်တန့်ခဲ့ကြောင်း သိရှိရသည်။
အာရက္ခတပ်တော်က ဧပြီလ ၁ ရက်နေ့မှစတင်ပြီး ညီနောင် မဟာမိတ်များဖြစ်ကြသော ကိုးကန့်၊ တအာင်းအဖွဲ့အစည်းများနှင့်အတူ ၁ လတာ တစ်ဖက်သတ် အပစ်ရပ်စဲကြောင်း ကြေညာခဲ့ကြောင်း၊ မြောက်ပိုင်းညီနောင်မဟာမိတ်အဖွဲ့က တစ်ဖက်သတ်အပစ် ခတ်ရပ်ရခြင်းမှာ မတ်လ ၂၈ နေ့ရက်တွင် လှုပ်ခတ်ခဲ့သည့် ပြင်းအား ၇ ဒသမ ၇ ရစ်(ခ်) တာစကေးအဆင့်ရှိသော အင်အားပြင်း ငလျင်ကြီးတစ်ခုနှင့် နောက်ဆက်တွဲငလျင်ငယ်များကြောင့် ပျက်စီးဆုံးရှုံးသွားခဲ့ရသည့် စစ်ကိုင်း တိုင်း၊ မန္တလေးတိုင်း၊ ရှမ်း ပြည်နယ်၊ ပဲခူးတိုင်းနှင့် နေပြည်တော်များအပါအဝင် အခြားသော ဒေသအချို့မှ ငလျင်ဒဏ်သင့်ပြည်သူ လူထုများကို လူသားချင်းစာနာထောက်ထားသောစိတ်၊ ပြည်ထောင်စုစိတ်ဓာတ်အပြည့် ရှိသောကြောင့်ဖြစ်ကြောင်း AA က ဆို သည်။
သို့ရာတွင် စစ်ကောင်စီက ကြေညာထားသော တစ်ဖက်သတ်အပစ်ရပ်စဲရေး ကြေညာကို ချိုးဖောက်ပြီး ဧပြီလ ၂ ရက်နေ့နှင့် ၎င်းနေ့ရက်မတိုင်မီရက်များတွင် ရက္ခိုင်ပြည်၊ ကျောက်ဖြူမြို့နှင့် စစ်တွေမြို့ပတ်ဝန်းကျင်ရှိ အာရက္ခ တပ်တော်တပ်ဖွဲ့ဝင်များကို လက်နက်ကြီး၊ ဒရော့ဗုံး၊ လေကြောင်းနှင့်၊ စစ်သင်္ဘောများပေါ်မှ ပစ်ခတ် တိုက်ခိုက်ခြင်းများကို ယနေ့အထိ နေ့တိုင်း ဆက်တိုက်ပြုလုပ်နေခဲုကြောင်း၊ ထို့အပြင် စစ်ကောင်စီသည် ပဲခူးတိုင်း၊ ဧရာဝတီတိုင်းနှင့် အခြားသောနေရာများမှ အာရက္ခတပ်တော်၏ စစ်ကြောင်းများကိုလည်း နေ့တိုင်း တန်ပြန်ထိုးစစ်များ ဆင်နွှဲလျက်ရှိကြောင်း AA က ထုတ်ပြန်သည်။
စစ်ကောင်စီက ဧပြီလ ၂ ရက်နေ့တွင် ရက္ခိုင်ပြည်၊ ကျောက်ဖြူမြို့နယ်အတွင်းရှိ သပြုတောင် ကျေးရွာ၊ ပြားတဲကျေးရွာ၊ ပြင်ရှည်ကျေးရွာအနီးပတ်ဝန်းကျင်များသို့ လက်နက်ကြီး၊ ဒရုန်းများဖြင့် အဓိက ပစ်ခတ်တိုက်ခိုက်ခဲ့ကြောင်း၊ စစ်ကောင်စီ၏ သစ်ပုတ်တောင်ရေတပ်စခန်း၊ ဒိုးတန်းတောင် အမှတ် ၃၂ ရဲတပ်ရင်း၊ မြေပြင်စစ် ကြောင်းများက အဓိကတိုက်ခိုက်ခဲ့ခြင်းဖြစ်ပြီး ဧပြီလ ၂ ရက်နေ့ တစ်ရက်တည်းတွင် Drop Bomb အရေ အတွက် ၉၀ ကြိမ်ခန့် နှင့် လက်နက်ကြီး ပစ်ခတ်တိုက်ခိုက်မှု ၆၀ ကြိမ်ထက်မက ရှိခဲ့ကြောင်း သိရှိရသည်။
ထို့အတူ နှစ်ဖက်ရင်ဆိုင်တပ်များရှိသော စစ်တွေမြို့နှင့် ပုဏ္ဏားကျွန်းမြို့ဘက်တို့တွင်လည်း စစ်ကောင်စီ၏ ရွှေမင်းဂံ ဆိပ်ကမ်းဘက်မှ ပေါက်တောမြို့၊ ငပြီကျွန်းဘက်သို့ ၁၂၀ မမ လက်နက်ကြီးများဖြင့် ၆ ကြိမ်တိုင်တိုင် ပစ်ခတ်တိုက်ခိုက်ခဲ့ကြောင်း ဧပြီလ ၃ ရက်နေ့မှ ၅ ရက်နေ့ အထိ နေ့ရက်များတွင်လည်း စစ်ကောင်စီက သစ်ပုတ်တောင်ရေတပ်စခန်း၊ ဒိုးတန်းတောင်၊ အမှတ် (၃၂) ရဲတပ်ရင်းနှင့် မြေပြင်စစ်ကြောင်းများမှအပြင် စစ် သင်္ဘော၊ ဂျက်တိုက်လေယာဉ် များကိုပါအသုံးပြုပြီး ကျောက်ဖြူမြို့နယ်အတွင်းရှိ ကြတ်တိန် (ကြတ္တိန်)၊ သပြုတောင်၊ ပျားတဲ၊ ပြင်ရှည်၊ လိပ်ခမော်၊ ကုလားဘာ၊ ဟင်းခပ်ပြင်ကျေးရွာပတ်ဝန်းကျင်များသို့ လက်နက်ကြီး၊ ဒရော့ဗုံးများအပြင် ဂျက်တိုက်လေယာဉ်၊ စစ်သင်္ဘောကြီးများပေါ်မှလည်း ပစ်ခတ်တိုက်ခိုက်ခဲ့ကြောင်း သိရှိရသည်။
ဧပြီလ ၅ ရက်တစ်ရက်တည်းတွင် Drop Bomb အကြိမ်အရေအတွက် ၆၀ ကျော် နှင့် လက်နက်ကြီးပစ်ခတ်တိုက်ခိုက်မှု ၅၀ ကြိမ်အထက်ရှိခဲ့ကြောင်း၊ စစ်တွေမြို့နယ်၊ ချောင်းနွယ်၊ မင်းဂံရွာမှ စစ်ကောင်စီတပ်ဖွဲ့ဝင်များက စစ်တွေမြို့နယ်၊ မင်းလှရွာရှိ မိမိတို့ တပ်ဖွဲ့ဝင်များအား ဒရုန်းများဖြင့် နံနက် ၉ နာရီ ၂၇ မိနစ်မှ စတင်ပြီး ၂ ကြိမ်တိုင်တိုင် ဗုံးကျဲတိုက်ခိုက်ခဲ့ကြောင်း သိရှိရသည်။
ထို့အတူ ဧပြီလ ၅ ရက်၊ ညနေ ၃ နာရီ ၄၅ မိနစ်အချိန်တွင် ရက္ခိုင်ရိုးမတောင်တန်းထက်ရှိ AAတပ်ဖွဲ့ဝင်များရှိရာနေရာသို့ စစ်ကောင်စီက Y12 ဂျက်လေယာဉ်ဖြင့် ဗုံးကျဲတိုက်ခိုက်ခဲ့ကြောင်း သိရှိရသည်။
