အနုပညာအမည်ခံ အကြမ်းဖက် စစ်တပ် လက်ကိုင်တုတ်များကို ပြင်းထန်စွာအရေးယူ ဆောင်ရွက်သွားမည်ဟု ရန်ကုန် UG အဖွဲ့ ၅ ခုက ယနေ့ အောက်တိုဘာလ ၂၈ ရက်နေ့တွင် ပူးတွဲ ကြောညာချက် တစ်စောင်ထုတ်ပြန်လိုက်သည်။
အကြမ်းဖက် စစ်အုပ်စု၏ အတုအယောင်ရွေးကောက်ပွဲကို ထောက်ခံအားပေးကူညီပြီး ယုံကြည်ချက်ကြောင့် တော်လှန်နေသော လူငယ်ထုကို စော်ကားခြင်း ၊ လူထု အရေးတော်ပုံကို ပုံဖျက်ကာ အမှန်တကယ် စစ်ရာဇဝတ်မှု ကျူးလွန်နေသော လူထု၏ အသက်အိုးအိမ်ကို မီးရှို့ သတ်ဖြတ်နေသော အကြမ်းဖက် စစ်အုပ်စုဘက်မှ စစ်ရာဇဝတ်မှုများ ထပ်မံကျူးလွန်အောင် ထောက်ခံပြီး အားပေးမြောက်ပြုလုပ်နေသော အညံ့စား ၊ အဖျင်းစား ဝါဒဖြန့် အနုပညာရှင်များကို ပြင်းထန်စွာအရေးယူ ဆောင်ရွက်သွားမည်ဖြစ်ကြောင်း သိရသည်။
ထို အနုပညာအမည်ခံ စစ်တပ် လက်ကိုင်တုတ်များဖြစ်သော နေတိုး ၊ မြင့်မြတ် ၊ နေဝင်း ၊ အေးချမ်းမောင် ၊ ခြူးလေး ၊ မေမြင့်မိုရ် ၊ အောင်ခိုင် ၊ ငှက်ပျောကြော် ၊ အောင်တိုး ၊ နိုင်လင်း ၊ သွက်လတ် ၊ စူပါလင်း ၊ မင်းညို ၊ ဥက္ကာပျံရီ ၊ ရဲရင့် ၊ ရောပျော် ၊ အောင်ဇင်ဖြိုး စသည့် လူထု နှင့် နိုင်ငံတော်အပေါ်ပျက်ရယ်ပြုစော်ကားသည့် အညံ့စား အဖျင်းစား ဝါဒဖြန့် အနုပညာရှင်များကို Boycott & Social punishment ပြင်းပြင်းထန်ထန် လူမှုရေးပြစ်ဒဏ် ခတ်ကြရန် ရန်ကုန် UG များက ပြည်သူလူထုတစ်ရပ်လုံးသို့ နှိုးဆော်ထားသည်။
တော်လှန်ရေးတွင် ပြည်သူက တာဝန်ကျေ သကဲ့သို့ ရန်ကုန် UG များအနေဖြင့် အညံ့စား ဝါဒဖြန့် အနုပညာရှင်များ၏ အချက်အလက်များကို ရရှိထားပြီး လူထုနှင့်အရေးတော်ပုံကို စော်ကားခဲ့သည့် ထိုသူတို့၏ နောက်ဖြစ်လာမည့် ကိစ္စအရပ်ရပ်ကို ပြည်သူလုထု တရားစီရင်ခန်း အဖြစ်သတ်မှတ်ပြီး ပြင်းပြင်းထန်ထန် စတင်အရေးယူမည် ဖြစ်ကြောင်း သိရသည်။
“အဲ့ကောင်တွေထဲက မည်သူ့ကို မဆိုတွေ့တဲ့ နေရာမှာ တိုက်ခိုက် ရှင်းလင်းသွားမှာပါ။ အချက်အလက်တွေ စုဆောင်းနေတာတွေလဲရှိပါတယ်။ သူတို့ရုပ်ရှင်လောကသားတွေထဲကနေလဲ သူတို့သတင်းတွေကို အဆက်မပြတ်ပို့ပေးနေတဲ့သူတွေလဲရှိပါတယ်။ ကျနော်တို့ UG တွေက ပြည်သူအပေါ် မျက်နှာမူပြီး ရပ်တည်ကြတဲ့သူတွေပါ ပြည်သူအလိုမရှိတဲ့ မည်သူမဆို ကျနော်တို့ရန်သူပါပဲ” ဟု Yangon Army (YA) မှ တာဝန်ရှိသူ တစ်ဦးက ပြောဆိုသည်။
အဆိုပါ ပူးတွဲ ကြေညာချက်ကို ရန်ကုန်မြို့အတွင်း စစ်တပ် တပ်စွဲထားသော နေရာများကို ပစ်မှတ်ထား တိုက်ခိုက်နေသည့် Yangon Army (YA) ၊ Dark Shadow ၊ Operation Flame(OF) ၊ Mother Son Yangon Force နှင့် Broken System တို့က ထုတ်ပြန်လိုက်ခြင်းဖြစ်သည်။
