ရန်ကုန်၊ ဇူလိုင် ၁၃
စစ်ကိုင်းတိုင်း၊ ကနီမြို့နယ်၊ လာပို့ကျေးရွာမှ ထွက်လာသော စစ်တပ်စစ်ကြောင်းကို တိုက်ခိုက်ချေ မှုန်းခဲ့ရာ ဗိုလ်၊ ဗိုလ်ကြီး၊ အပါအဝင် စစ်သား ၂၀ ကျော်သေဆုံးပြီး လက်နက်ခဲယမ်းများလည်း သိမ်း ဆည်းရရှိခဲ့ကြောင်း မင်းကင်းမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်သည်။
ဇွန်လ ၂၁ ရက်နေ့ ကနီမြို့နယ် ၊ လာပို့ကျေးရွာမှ ကလေးဝဘက်သို့ ထွက်လာသော မိုင်းဆက် ဗျူဟာမှူးကွပ်ကဲသည့် ခမရ-၅၅၄ မှ ဒုတပ်ရင်းမှူး အောင်ကိုကို ဦးစီးသော စစ်သား၊ စစ် မှုထမ်းတပ်သားပါ အင်အား ၃၀၀ ခန့်ရှိ စစ်ကြောင်းကို တော်လှန်ရေး ပူးပေါင်းတပ်ဖွဲ့များက ၉ ကြိမ် တိတိ ကြားဖြတ် တိုက်ခိုက်ခဲ့ရာ ဗိုလ်ကြီး ၁ ဦး၊ ဗိုလ် ၁ ဦး အပါအဝင် စစ်သား ၂၀ ဦး ကျော်သေဆုံး ပြီး အပြင်းအထန် ဒဏ်ရာရရှိသူ ၁၅ ဦးရှိကြောင်း သိရသည်။
“အဲဒီစစ်ကြောင်းက ကလေးဝကို ဝင်တဲ့စစ်ကြောင်းပါ၊ အဲဒီကနေ ကားနဲ့ ဒကစကလေးကို ဝင်တယ်။ ကနီ – ကလေးဝလမ်းအတိုင်း ကလေးမြို့ကို သွားတာပါ။ စစ်ကြောင်းထိုးတာက ကနီနဲ့ကလေးဝ ကြားမှာ ထိုးတာ၊ ကလေးဝမှာ ကြိုဆိုပွဲ ဘာညာလုပ်ပြီးမှ ကလေးမြို့ကို လာတာပါ” ဟု တော်လှန် ရေးသတင်းရင်းမြစ်က ရန်ကုန်ခေတ်သစ်သတင်း ဌာနထံသို့ ပြောကြားသည်။
ထို့အပြင် စစ်ကောင်စီတပ်စစ်ကြောင်းထံမှ MA3 အမျိုးအစား သေနတ် ၁ လက်၊ 60 mm ဗုံးသီး ၃ လုံး ၊ 40 mm ဗုံးသီး ၄ လုံး ၊ RPG7 ဗုံးသီး ၁ လုံး ၊ အီနာကာ ဗုံးသီး ၁ လုံး ၊ ကျည်ကာဦးထုပ် ၂ လုံး ၊ ယူနီဖောင်း ၂၆ စုံ ၊ SPS 110 Portable Jammer Gun ၁ လက် ၊ မိုင်းရှင်းစက် ၁ လုံး ၊ MA2 ကျည် ဘောက် ၁ ဘောက် ၊ ဖောကာ ၁ စီး ၊ ၁၄ မိုင်း နင်းမိုင်း ၁၀ လုံး၊ ရွှေလက်ကောက် ၁ ကွင်း ၊ကား တစ်စီး၊ နွား ၉ ကောင် ၊ လှည်း ၃ စီး ၊ မီးစက် ၁ လုံး၊ Solar (250) W ၂ ချပ် ၊ Laptap ၁ လုံးတို့ကို သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုများကို ကလေးခရိုင်အမှတ် ၇ တပ်ရင်း၊ အမှတ် ၈ တပ်ရင်း၊ အမှတ် ၉ တပ်ရင်း၊ အမှတ် ၁၀ တပ်ရင်း၊ အမှတ် ၁၁ တပ်ရင်း ၊ မင်းကင်းမြို့နယ် ပကဖ ၊ ကလေးခရိုင် ဒရုန်းတပ်ဖွဲ့ နှင့် မင်း ကင်းမြို့နယ် ပူးပေါင်း တပ်များ ပူးပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင် များ အထိအခိုက်မရှိ အောင်မြင်ခဲ့ကြောင်း သိရသည်။
