ချောင်းဦးမြို့နယ်တွင် စစ်တပ်က ပြည်သူ ၂၀ ကျော်ကို ဓားစာခံအဖြစ် ဖမ်းဆီးပြီး CRA တပ်ဖွဲ့၏ မိုင်းထုတ်လုပ်ရေးစခန်းကို စီးနင်း မီးရှို့ ဖျက်ဆီး
ရန်ကုန်၊ မေ ၈
စစ်ကိုင်းတိုင်း၊ ချောင်းဦးမြို့နယ်အတွင်းရှိ ချောင်းဦးမြို့နယ်တော်လှန်ရေးတပ် -CRA စခန်းတစ်ခုကိုအကြမ်းဖက် စစ်တပ်က ဓားစာခံပြည်သူ ၂၀ ကျော်ကို အသုံးချကာ ဝင်ရောက်စီးနင်း မီးရှို့ခဲ့ကြောင်း CRA တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာနထံသို့ပြောကြားသည်။
မေလ ၆ ရက် နံနက် ၉ နာရီးကျော်ခန့်က ကံကြီးကုန်း ပျူရွာသို့ ရိက္ခာပို့လာသော အကြမ်းဖက်စစ် သား ၁၀၀ ကျော်သည် ပြည်သူ ၂၀ ကျော်ကို ဓား စာခံဖမ်းဆီးကာ ချောင်းဦးမြို့နယ်တော်လှန်ရေးတပ် -CRA ၊တပ်ခွဲ ၁၏ပစ္စည်းထုတ်လုပ်နှင့်ဖြန့်ဖြူးရေး ဌာနချုပ်ကို ဝင်ရောက်စီးနင်းခဲ့ရာမိုင်း အလုံး ၇၀ ကျော်၊ reseiver ၊ဝရိန်ပုံး၊ ဖျက်စက် ၃လုံး၊ ဖောက် စက် ၂ လုံးနှင့်ဘစခန်းတဲ ၂လုံးတွဲတို့ကို သိမ်းပိုက် ဖျက်ဆီးခံလိုက်ရကြောင်း သိရသည်။
“ဓားစာခံပြည်သူတွေပါနေတော့ မတိုက်ပဲ လက် ရှောင်ပေးလိုက်ရတာ၊ ဆင်ထားတဲ့မိုင်းတွေပါ အကုန် ဖြုတ်သိမ်းပြီး နိုင်သမျှပစ္စည်းတွေ၊ မနိုင်တာ တွေဖွတ်ထားခဲ့တာ၊ ဖွတ်ထားတဲ့မိုင်းတွေ၊ ပစ္စည်း တွေ တွေ့သွားတော့ ဆုံးရှုံးမှုတန်ဖိုး များသွားရတာ၊ စစ်ခွေးတွေ တက်လာပြီဆိုတာ သတင်းက ၁ နာရီလောက်ပဲ ကြိုရတာဆိုတော့ ပြင်ဆင်ချိန်လဲ သိပ်မရလိုက်ဖူး”ဟု CRA တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာနထံသို့ပြောကြားသည်။
အကြမ်းဖက်စစ်တပ်က စခန်းမဝင်မီး လက်နက်ကြီး ဖြင့် လှမ်းပစ်ခဲ့မှုကြောင့် ရဲဘော်တစ်ဦး အနည်းငယ် ဒဏ်ရာရရှိခဲ့ကြောင်း၊ ယင်းအကြမ်းဖက် စစ် ကြောင်းမှာ ယမန်နေ့ မေလ ၇ ရက်နေ့တွင် လမ်းဘေးတစ်လျှောက်ရှိပြည့်သူနေအိမ်များကို ဖောက်ထွင်းခိုးယူကာ ဓားစာခံပြည်သူများကို သယ်ခိုင်းပြီး ထွက်သွားကြောင်း သိရသည်။
