Khit Thit သတင်းဌာန၏ မေ ၂၄ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မေ ၂၄ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
-ကရင်အမျိုးသားအစည်းအရုံး KNU တပ်မဟာ ၅ နယ်မြေမှာ အကြမ်းဖက် စစ်ကောင်စီ လက် အောက် ခံ BGF နယ်ခြားစောင့် တပ်စခန်းကို KNLA တပ်ဖွဲ့တွေကနေ တိုက်ခိုက် သိမ်းပိုက်ရာမှာ စစ်တပ် လက် အောက်ခံ BGF တပ်ခွဲမှူးစောဘာယို အပါအဝင် BGF ၅ ဦးသေသွားတဲ့အပြင် ၊ သူတို့ရဲ့ ကား ၁စီးကိုပါ ရှင်းလင်း ဖျက်ဆီးနိုင်ခဲ့တယ်လို့ KNU မူတြော်သတင်းစဉ်ကနေ တရားဝင် ထုပ်ပြန်ထားပါတယ်။
– ကချင်ပြည်နယ်၊ မိုးကောင်းမြို့နယ်မှာ PDF တွေ လက်နက်နဲ့ အလင်းဝင်ရင် ဆုငွေပေးမယ်ဆိုတဲ့ အကြမ်းဖက် စစ်ကောင်စီရဲ့ ကြော်ငြာ ဗီနိုင်းပေါ်မှာ စစ်သားတွေ CDM ဝင်ဖို့ ဖိတ်ခေါ်စာတွေကို PDF တပ်ဖွဲ့တွေက ပြန်ကပ်ပြီး အကြမ်းဖက် စစ်ကောင်စီရဲ့ လုံခြုံရေးဂိတ် ကို ပစ်ခတ်တိုက်ခိုက်ခဲ့တယ်လို့ မိုးကောင်းမြို့နယ် မြို့ပြပျောက်ကြား တပ်ဖွဲ့ ရဲ့ တာဝန်ခံ က ရန်ကုန်ခေတ်သစ်ကို ပြောပါတယ်။
– စစ်ကိုင်းတိုင်း၊ မြောင်မြို့နယ်က ကျောက်ရစ် ရဲစခန်းအတွင်းမှာ တပ်စွဲထားတဲ့ အကြမ်းဖက် စစ်ကောင်စီတပ်သားတွေကို PDF တပ်ဖွဲ့တွေကနေ RPG အနီးကပ် ပစ်ခတ်တိုက်ခိုက်ရာမှာ အကြမ်းဖက် စစ်ကောင်စီတပ်သား ၄ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
