By ရန်ကုန်ခေတ်သစ်
ဒီကနေ့ မတ်လ ၁၀ ရက်နေ့ နောက်ဆုံးရရှိထားတဲ့ သတင်း တွေကတော့
-ရခိုင်ပြည်နယ် စစ်တွေ သုသာန်အနီးက နေအိမ်တွေကို အကြမ်းဖက် စစ်ကောင်စီဝင် စစ်သား၊ ရဲနှင့် စည်ပင်တွေ ပူးပေါင်းပြီး ဒီကနေ့ မနက်ပိုင်းမှာ ဝင်ရောက် ဖျက်ဆီးနေပါတယ်။
-တာမွေမြို့နယ် မလွှာကုန်းဘူတာမှာ လက်နက်မဲ့ပေမယ့် ‘ဒို့အရေး’ ဆိုတဲ့ အသံကို မင်းတို့တွေကြောက် နေရမယ်”ဆိုတဲ့ ပိုစတာချိတ်ဆွဲပြီး စစ်အာဏာရှင် ဆန့်ကျင်ရေးလှုပ်ရှားမှုကို ရန်ကုန်လူထုသပိတ်က ဒီကနေ့ပြုလုပ်ခဲ့ပါတယ်။
-ကရင်ပြည်နယ် ဘားအံခရိုင် သံတောင်ကြီး သောက်ရေခပ်ရွာအနီးမှာ စစ်ကောင်စီရိက္ခာပို့ ယာဉ်တန်း မိုးဆွဲခံ တိုက်ခိုက် ခံရလို့ စစ်ကောင်စီတပ်သား ၃ဦးသေဆုံးပြီး၇ ဦးဒဏ်ရာရခဲ့ပါတယ်။
-တနင်္သာရီတိုင်း၊ မြိတ်မြို့နယ်မှာ စစ်ကောင်စီ ခန့် ဝန်ကြီးချုပ် မြတ်ကို လိုက်ပါလာတဲ့ ယာဉ်တန်း ပစ်ခတ် တိုက်ခိုက်ခံရပြီး စစ်သား ၂ ဦး ဒဏ်ရာရရှိသွားပါတယ်။ စတဲ့သတင်းတွေနဲ့ နောက်ဆုံးရသတင်းတွေကို တင်ဆက်ပေးပါမယ်။
