ရန်ကုန်၊ မတ် ၁၇
စစ်ကိုင်းတိုင်း၊ ဒီပဲယင်းမြို့နယ်တွင် မတ်လ ၁၂ ရက်နေ့မှ မတ်လ ၁၅ ရက်နေ့အထိ စစ်ကောင်စီတပ်များနှင့် PDF များအကြားတိုက်ပွဲများဖြစ်ပွားခဲ့ပြီး စစ်ကောင်စီဘက်မှ ၉ ဦး သေဆုံးကြောင်း PDF Galon တပ်ဖွဲ့က သတင်းထုတ်ပြန်သည်။
မတ်လ ၁၂ ရက်နေ့ နံနက် ၇ နာရီအချိန် ဒီပဲယင်းမြို့နယ်အတွင်း လှည့်လည် ထိုးစစ်ဆင်ကာ ပြည်သူများ၏ အိုးအိမ်စည်းစိမ်များကို မီးရှို့ဖျက်ဆီးလျက်ရှိသော စစ်ကောင်စီတပ်သားများကို တာတိုင်ရရွာနှင့် သရက်တောရွာအကြား PDF က မိုင်းခွဲတိုက်ခိုက်ရာ စစ်ကောင်စီတပ်မှ ၅ ဦး သေဆုံးနိုင်ကြောင်း သိရှိရသည်။
အလားတူ မတ်လ ၁၃ ရက်နေ့ ညနေ ၃ နာရီအချိန် ဒီပဲယင်း စိုင်ပြင် မီးသတ်ရုံးအတွင်း တပ်စွဲထားသော စစ်ကောင်စီတပ်ကို ဝင်ရောက်ပစ်ခတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၄ ဦး သေဆုံးနိုင်ကြောင်း သိရှိရသည်။
မတ်လ ၁၅ ရက်နေ့ နံနက် ၇ နာရီအချိန်တွင် ဒီပဲယင်း စိုင်ပြင်င်္ရဲစခန်းကို လက်နက်ကြီးများဖြင့် ပစ်ခတ်တိုက်ခိုက်ခဲ့ပြီး စစ်တပ်ဘက်မှ အထိအခိုက်သေဆုံးမှုရှိနိုင်ကြောင်း၊ တိုက်ခိုက်မှုများကို ရွှေဘိုခရိုင် ပြ်ညသူ့ကာကွယ်ရေးတပ်ဖွဲ့များနှင့်အတူ ပူးပေါင်းတိုက်ခိုက်ခြင်းဖြစ်ကြောင်း သိရှိရသည်။
ထို့ပြင် မတ်လ ၁၅ ရက်နေ့ နေ့လယ်ပိုင်းတွင် စစ်ကိုင်းတိုင်း၊ ချောင်းဦးမြို့နယ်ရှိ ကင်မွန်းတော်ကျေးရွာမှ ပျူစောထီးနှင့်စစ်သား ၃၀ ခန့် ရွာပြင်သို့ ထွက်လာစဉ် ချောင်းဦး PDF တပ်ခွဲ ၁ အဖွဲ့နှင့် ထိတွေ့ တိုက်ပွဲဖြစ်ပွားကြောင်း၊ စစ်ကောင်စီတပ်ဘက်မှ ၂ ဦး သေဆုံးပြီး ကင်မွန်းတော်ကျေးရွာအတွင်းသို့ ပျူစောထီးနှင့်စစ်သားများ ပြန်လည် ဆုတ်ခွာသွားကြောင်း သိရှိရသည်။
ဓာတ်ပုံ- ဒီပဲယင်းမြို့နယ်၊ စိုင်းပြင်ရဲစခန်း။
