ရန်ကုန်၊ မတ် ၁၈
ကရင်နီပြည်နယ်၊ ဖရူဆိုမြို့ရှိ အကြမ်းဖက်စစ်ကောင်စီ၏ ခလရ (၅၃၁) တပ်ရင်းနှင့် လက်ပါးစေ မြို့မရဲစခန်းကို ကရင်နီအမျိုးသားများကာကွယ်ရေးတပ်ဖွဲ့ KNDF တပ်ရင်း ၁၅ က ယနေ့ မတ်လ နံနက်ပိုင်းတွင် ဝင်ရောက်တိုက်ခိုက်ခဲ့ရာ စစ်ကောင်စီဘက်မှ ၄ ဦးသေဆုံးပြီး ထိခိုက်ဒဏ်ရာရသူများရှိကြောင်း သိရှိရသည်။
ယနေ့ နံနက် ၇ နာရီခန့်တွင် မြို့မရဲစခန်းနှင့် ခမရ ၅၃၁ တပ်ရင်းကို ဝင်ရောက်ပစ်ခတ်ခဲ့ခြင်းဖြစ်ကြောင်း၊ နာရီဝက်ခန့် တိုက်ပွဲဖြစ်ပွားခဲ့ကြောင်း KNDF တပ်ရင်း ၁၅ က သတင်းထုတ်ပြန်သည်။
ယင်းနောက် ကရင်နီအမျိုးသားများကာကွယ်ရေးတပ်ဖွဲ့ တပ်ရင်း ၁၅ တပ်ဖွဲ့ဝင်များ ထိခိုက်မှုမရှိဘဲ ဆုတ်ခွာလာခဲ့ကြောင်း သိရှိရသည်။
မတ်လ ၆ ရက်နေ့နှင့် ၈ ရက်နေ့တွင် ဖရူဆိုမြို့ရှိ လေ့ကျင့်ရေးတပ်နှင့် ခမရ ၅၃၁ တပ်ရင်းများကို KNDF တပ်ရင်း ၁၅ က ဝင်ရောက်တိုက်ခိုက်ခဲ့သေးပြီး စစ်ကောင်စီဘက်မှ ၂ ဦး သေဆုံးခဲ့သည်။
