ယင်းမာပင် ဘန့်ဘွေးပျူစခန်းကို ဒရုန်းဖြင့် ဗုံးကျဲတိုက်ခိုက်မှု စစ်ကောင်စီ တပ်ဖွဲ့ဝင်များ ထိခိုက် သေဆုံးမှုရှိသဖြင့် ၁၂၀ မမ လက်နက်ကြီးများဖြင့် စစ်တပ်က ပစ်ခတ်
ရန်ကုန်၊ စက်တင်ဘာ ၂၅
စစ်ကိုင်းတိုင်း၊ ယင်းမာပင်မြို့နယ်၊ ဘန့်ဘွေး(ပျူ)ရွာစခန်းကို ဒရုန်းဖြင့် ဗုံးကျဲ တိုက်ခိုက်ခဲ့ရာ အကြမ်း ဖက်စစ်ကောင်စီတပ်ဖွဲ့ဝင်များ ထိခိုက်သေဆုံးမှုရှိပြီး ၁၂၀ မမ လက်နက် ကြီးများဖြင့် စစ်တပ်က ရမ်းသမ်းပစ်ခတ်ခဲ့ကြောင်း နယ်စည်းမခြား ဇာမဏီပြောက်ကျားတပ်ဖွဲ့မှ ဗိုလ်စံဖဲ က ရန်ကုန်ခေတ်သစ် သတင်းဌာနထံသို့ ပြောကြားသည်။
စက်တင်ဘာလ ၂၃ ရက်နေ့ ည ၈ နာရီခွဲခန့်အချိန် ယင်းမာပင်မြို့နယ်၊ ဘန့် ဘွေး (ပျူ)ရွာစခန်းအတွင်း၌ Jammer များဖွင့်ကာ သောက်စားမူးယစ် ပျော်ပါး နေသော အကြမ်းဖက်စစ်သားများ၊ ရဲများနှင့် ပျူစောထီးများကို ဒရုန်းဖြင့် ဗုံး ကျဲ တိုက်ခိုက်ခဲ့ကြောင်း၊ ယင်းတိုက်ခိုက်မှုကြောင့် အကြမ်းဖက် စစ်ကောင်စီ တပ် ဖွဲ့ဝင်များ ထိခိုက်သေဆုံးမှုရှိပြီး အနောက် မြောက်တိုင်းစစ်ဌာနချုပ် (နမခ) တပ်နှင့် လေထန်ကုန်းတပ်တို့က ၁၂၀ မမ လက်နက်ကြီးများဖြင့် ပစ် ကူ တိုက် ခိုက်ခဲ့ကြောင်း သိရသည်။
“Jammer ကို နည်းပညာနဲ့ကျော်ပြီး ဗုံးသွားကျဲခဲ့တာ၊ စစ်ခွေးတွေအထိနာ တော့ နမခရော၊ အကျိုးအ ကန်းကုန်းခေါ်လေထန်ကုန်းကရော ၁၂၀ မမ လက် နက်ကြီးနဲ့ ၉ လုံးပစ်တယ်၊ ဘန့်ဘွေးရွာကထဲ ခွေး တွေကတော့ ၆၀ မမတွေ၊ လက်နက်ငယ်တွေနဲ့ ပြန်ပစ်တယ်၊ ခွေးလက်နက်ကြီးတွေက ဘန့်ဘွေးပျူရွာ အနီးတဝိုက်ကို ကျတာပါ၊ ကျနော်တို့ ရဲဘော်တွေအထိအခိုက်မရှိပါဘူး၊ စစ်ခွေး သေဆုံးထိခိုက်လည်း မသိရသေးပါဘူးဗျ၊ စုံစမ်းနေတုန်းပါ” ဟု နယ်စည်းမခြား ဇာမဏီပြောက်ကျားတပ်ဖွဲ့မှ ဗိုလ်စံဖဲ က ရန် ကုန်ခေတ်သစ်သတင်းဌာနထံသို့ ပြောကြားသည်။
အဆိုပါ တိုက်ခိုက်မှုကို နယ်စည်းမခြားဇာမဏီပြောက်ကျားတပ်ဖွဲ့၊ Infinite Revolution Force (IRF)၊ Yinmarbin Local PDF ၊ Chindwin Galone Yarzar Guerrilla Defense Force တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ ကြောင်း၊ ယခုကဲ့သို့ ဒရုန်းစစ်ဆင်ရေးမျိုး ပိုမိုလုပ်ဆောင်နိုင်ရန် ပြည်သူများu ဝိုင်းဝန်းထောက်ပံ့ ကူညီပေးကြပါရန် မေတ္တာရပ်ခံထားသည်။
ဓာတ်ပုံ- ပြည်သူ့ကာကွယ်ရေးတပ်ဖွဲ့၏ တိုက်ခိုက်ရေးဒရုန်းနှင့်ဗုံးများ။
