အရာတော်တွင် ရဲဘော် ကိုသမိုင်းနှင့် ကိုဗဟိန်း ကျဆုံးခြင်း ၂ နှစ်ပြည့်အထိမ်းအမှတ် လူထုသပိတ်စစ်ကြောင်း ချီတက်
ရန်ကုန်၊ အောက်တိုဘာ ၁၆
အရာတော်မြို့နယ် ကျေးရွာတစ်ရွာတွင် ရဲဘော် ကိုဗဟိန်း နှင့် ကိုသမိုင်း ကျဆုံးခြင်း ၂ နှစ်ပြည့်အထိမ်းအမှတ် လူထုသပိတ်စစ်ကြောင်းကို အရာတော်မြို့နယ် လူထုသပိတ်ဦးဆောင်ကော်မတီ၊ အရာတော်မြို့နယ် ပြည်သူ့ကာကွယ်ရေးတပ်ဖွဲ့(အရတ ပကဖ)၊အရာတော်မြို့နယ်ကျောင်းသားများ သမဂ္ဂ (ဗကသများ အဖွဲ့ချုပ်) နှင့် ဒေသခံ ပြည်သူလူထုများအတူပူးပေါင်း၍ချီတက်ခဲ့ကြသည်။
သပိတ်စစ်ကြောင်းတွင် ကျေးရွာပေါင်းစုံ ပူးပေါင်းဝန်းရံခဲ့ပြီး လူအင်အားထောင်ချီဖြင့် ချီတက်ခဲ့ကြပြီးသပိတ်စစ်ကြောင်းတွင် အကြမ်းဖက်စစ်သား များကြောင့် ကျဆုံး ခဲ့ရသော ရဲဘော် ကိုဗဟိန်း နှင့် ကိုသမိုင်း တို့ကို ဦးညွတ်အလေးနီ ပြုခဲ့ကြသည်။
