ရန်ကုန်၊ မတ် ၂၄
ကချင်ပြည်နယ်၊ ဖားကန့်မြို့နယ် မြို့မရဲစခန်း ထဲရှိ စစ်ဆေးရေး ဂိတ်ကို မတ်လ ၂၄ ရက်နေ့ ညနေ ၃ နာရီ ခန့်အချိန် ဗုံး ပစ်ခံရပြီး ရဲ ၃ ဦး သေဆုံး ကြောင်း ကနဦး သိရသည်။
“ရဲ ၃ ဦးသေတယ်လို့သိရတယ်” ဟု ဖားကန့်ဒေသခံတစ်ဦးက ပြောဆိုသည်။
ဖားကန့်ရဲစခန်းဂိတ် ဗုံးကွဲ မှုဖြစ်ပေါ်ပြီး နောက် ဖားကန့် ရဲစခန်း မှ ရဲများက ဖားကန့် တံတား ရှေ့ကို ပိတ် ဆို့ကာ ပြည်သူများကို စစ်ဆေးရေး တင်းကျပ်နေကြောင်း၊ မတ်လ ၂၂ ရက်နှင့် ၂၃ ရက် နေ့ နံနက် ၉ နာရီ ခန့်ကလည်း စစ်ကောင်စီ တပ်ဖွဲ့ ဝင်များက ဖားကန့် ရဲ စခန်းရှေ့ တွင် လမ်းသွားလမ်းလာ ပြည်သူများကို စစ်ဆေးရေး တင်းကျပ်ခဲ့ပြီးနောက် ယနေ့ ညနေပိုင်းတွင် ဗုံးပေါက်ကွဲခြင်းဖြစ်ကြောင်း သိရှိရသည်။
ဓာတ်ပုံ- ဖားကန့်မြို့မရဲစခန်း။
Photo – CJ
