တီးတိန်မြို့နယ်၊ ကနေဒီတောင်ရှိ စစ်တပ် စခန်းကို PDF-Zoland က တိုက်ခိုက်သိမ်းပိုက်၊ စစ်တပ်ဘက်မှ ၅ ဦးသေဆုံးပြီး ၁ ဦးဖမ်းမိကာ လက်နက်ခဲယမ်း အများအပြား သိမ်းဆည်းရရှိ
ရန်ကုန်၊ နိုဝင်ဘာ ၂၁
ချင်းပြည်နယ်၊ တီးတိန်မြို့နယ်၊ ကနေဒီတောင်ရှိ အကြမ်းဖက် စစ်တပ် စခန်းကို PDF-Zoland က တိုက်ခိုက်သိမ်းပိုက်ခဲ့ကြောင်း PDF-Zoland က ထုတ်ပြန်ထားသည်။
နိုဝင်ဘာလ ၂၁ ရက်နေ့၊ နံနက် ၄ နာရီခန့်တွင် တီးတိန်မြို့နယ်၊ ကနေဒီတောင်ရှိ အကြမ်းဖက် စစ်တပ် စခန်းကို PDF-Zoland က သွားရောက် တိုက်ခိုက်ခဲ့ပြီး နံနက် ၆ နာရီခန့်တွင် စစ်တပ် စခန်းကို သိမ်းဆည်းရရှိခဲ့ကြောင်း သိရသည်။
တိုက်ပွဲအတွင်း အကြမ်းဖက် စစ်တပ်ဘက်မှ အနည်းဆုံး ၅ ဦး သေဆုံးခဲ့ပြီး ၁ ဦးအား အရှင်ဖမ်းဆီးရမိကာ ကျန်ရှိနေသော စစ်ကောင်စီ တပ်သားများ ထွက်ပြေးသွားပြီး လိုက်လံ ဖမ်းဆီးလျက်ရှိကြောင်း၊ အကြမ်းဖက် စစ်တပ်ထံမှ ၄၀ မမ အပါအဝင် လက်နက်ကြီး အချို့နှင့် ကျည်မြောက်များစွာ သိမ်းဆည်း ရရှိခဲ့ကြောင်း သိရှိရသည်။
မွန်းလွဲ ၁၂ နာရီ ခန့်တွင် အကြမ်းဖက် စစ်တပ်က Mi-35 ရဟတ်ယာဥ်ဖြင့် လာရောက် တိုက်ခိုက်ခဲ့ကြောင်း၊ အဆိုပါ စခန်းသိမ်း တိုက်ပွဲအတွင်း PDF Zoland မှ ရဲဘော် Tg. Kam Lian Pau တိုင်းပြည်အတွက် အသက်ပေး တိုက်ပွဲဝင်ခဲ့ကြောင်း PDF Zoland ထံမှ သိရသည်။
