Khit Thit သတင်းဌာန၏ နိုဝင်ဘာ ၂၅ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ နိုဝင်ဘာ ၂၅ ရက် မနက်ပိုင်းတင်ဆက်ပေးမယ့်သတင်းတွေကတော့
-MNDAA ရဲ့ စစ်ဆင်ရေးဟာ ရှမ်းပြည်နယ်၊ ကိုးကန့်ဒေသ လောက်ကိုင်မြို့ကို ဦးတည်နေပြီး အကြမ်း ဖက်စစ်တပ်ရဲ့ စစ်စခန်းတွေကို ဆက်တိုက်သိမ်းပိုက်နေသလို စုစုပေါင်း ၁၇၁ ခု သိမ်းပိုက်ထားတယ်လို့ MNDAA ပြန်ကြားရေး The kokang က ထုတ်ပြန်ထားပါတယ်။
– ကရင်နီပြည်နယ်၊ လွိုင်ကော်မြို့ လွိုင်ကော်တက္ကသိုလ်အတွင်းကနေကယ်ထုတ်ထားတဲ့ Non CDM ၇၀ ဦးနဲ့ မိသားစုဝင် ၃၇ ဦးကို နေရပ်ပြန်ပို့လိုက်ပြီလို့ ကရင်နီပြည်ကြားကာလအုပ်ချုပ်ရေးကောင်စီက ထုတ်ပြန်ထားပါတယ်။
– အမျိုးသားညီညွတ်ရေးအစိုးရ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်ဟာ အမျိုးသားညီညွတ်ရေးအစိုးရ မြန်မာနိုင်ငံကိုယ်စားလှယ်ရုံး (ဂျပန်)တာဝန်ခံတွေနဲ့အတူ ဂျပန်နိုင်ငံက အင်အားကြီးအလုပ်သမားသမဂ္ဂ J.A.M ရဲ့ ဥက္ကဋ္ဌကို သွားရောက် တွေ့ဆုံခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
