ထီးချိုင့်မြို့နယ်တွင် ကျေးရွာ ၂ ရွာကို တိုက်ပွဲဖြစ်ပွားခြင်းမရှိဘဲ စစ်တပ်က လေကြောင်းဖြင့် ဗုံးကျဲ တိုက်ခိုက်မှု ပြည်သူ ၁ ဦးသေဆုံး
ရန်ကုန်၊ ဒီဇင်ဘာ ၂၁
စစ်ကိုင်းတိုင်း၊ ထီးချိုင့်မြို့နယ်ရှိ ကျေးရွာ ၂ ရွာကို တိုက်ပွဲဖြစ်ပွားခြင်းမရှိဘဲ အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခြင်းကြောင့် ပြည်သူ ၁ ဦးသေဆုံးခဲ့ကြောင်း Tigyaing Revolution-TR အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ယနေ့ ဒီဇင်ဘာလ ၂၁ ရက်နေ့ ညနေ ၃ နာရီ ၄၉ မိနစ်ခန့်တွင် မြစ်ကြီးနားမှ ဆင်းလာသည့် ဂျက်ဖိုက်တာ ၁ စီးသည် ထီးချိုင့်မြို့နယ်၊ ဇီးကုန်းရွာ အနီး ၂ ကြိမ် နှင့် နတ်အင်းရွာ စာသင်ကျောင်း အနီး ၁ ကြိမ် ဗုံးကျဲ ပစ်ခတ်ခဲ့ပြီး ပြည်သူ ၁ ဦးသေဆုံးကြောင်း သိရသည်။
” ဘာတိုက်ပွဲမှ ရှိမနေပါဘူး။ စစ်ခွေးတွေ ဗုံးကျဲတာ နတ်အင်း စာသင်ကျောင်းမှာ ပြည်သူ ၁ ဦးသေဆုံးပြီး ၁ ဦး ဒဏ်ရာရတယ်လို့ ကနဦး သိရပါတယ်” ဟု Tigyaing Revolution-TR အဖွဲ့မှ တာဝန်ရှိသူ တစ်ဦးကပြောဆိုသည်။
ဓာတ်ပုံ- အကြမ်းဖက်စစ်ကောင်စီတပ်က အသုံးပြုနေသည့် SU-30 တိုက်လေယာဉ် ပျံသန်းမှုမြင်ကွင်း။
![Pinterest](https://pinterest.com/pin/create/button/?url=https://yktnews.com/2023/12/136756/&media=https://yktnews.com/wp-content/uploads/2023/12/412374116_719665430261066_5325223663738211089_n.jpg&description=" ဘာတိုက်ပွဲမှ ရှိမနေပါဘူး။ စစ်ခွေးတွေ ဗုံးကျဲတာ နတ်အင်း စာသင်ကျောင်းမှာ ပြည်သူ ၁ ဦးသေဆုံးပြီး ၁ ဦး ဒဏ်ရာရတယ်လို့ ကနဦး သိရပါတယ်"){kind=link}