မြိတ်မြို့နယ်တွင် စစ်တပ်စစ်ကြောင်းကို မိုင်းဆွဲတိုက်ခိုက်မှု စစ်သား ၄ ဦးသေဆုံး
ရန်ကုန်၊ ဇန်နဝါရီ ၁၁
တနင်္သာရီတိုင်း၊ မြိတ်မြို့နယ်၊ တဂံတောင်ပုကျေးရွာနှင့် ခုံမော်ကျေးရွာကြားတွင် အကြမ်းဖက် စစ် တပ်စစ်ကြောင်းကို မိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၄ ဦးသေဆုံးခဲ့ကြောင်း ကျွန်းစုမြို့ နယ်ပြည်သူ့ကာကွယ်ရေးအဖွဲ့ – ပကဖ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ ဇန်နဝါရီလ ၁၀ ရက် ညနေ ၄ နာရီခန့်က မြိတ်မြို့မှ အင်အား ၇၀ ခန့်ဖြင့် ခြေလျင်ထွက် လာသော အကြမ်းစစ်ကောင်စီတပ်သားများကို တဂံတောင်ပုကျေးရွာနှင့် ခုံမော်ကျေးရွာကြားအ ရောက် ပြည်သူ့ကာကွယ်ရေးပူးပေါင်းတပ်ဖွဲ့မှ မိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၄ ဦးသေ ဆုံးပြီး အများအပြား ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို ကျွန်းစုမြို့နယ် ပြည်သူ့ကာကွယ်ရေးအဖွဲ့ – ပကဖ တပ်ဖွဲ့ဝင်များ၊ တောပုံး ကြီး ပြည်သူ့ကာကွယ်ရေးအဖွဲ့(တနင်္သာရီ-ပကဖ) ၊ ပုလောမြို့နယ်ပြည်သူ့ကာကွယ်ရေးအဖွဲ့-ပကဖ နှင့် တနင်္သာရီတိုင်းလုံခြုံရေးတပ်ဖွဲ့ဝင်များ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ် ရေးတပ်ဖွဲ့ဝင်များ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း သိရသည်။
တနင်္သာရီမြို့နယ် နှင့် မြိတ်မြို့နယ် လမ်းပိုင်းတွင် အကြမ်းဖက်စစ်ကောင်စီတပ်သားများ ရှိနေပြီး တိုက်ပွဲများ ဆက်လက်ဖြစ်ပေါ်လာနိုင်သဖြင့် ဒေသနေ မိဘပြည်သူများ၊ ခရီးသွားပြည်သူများ အနေ ဖြင့် ကာကွယ်ရေးအဖွဲ့များမှ ထုတ်ပြန်ထားသောသတိပေး ထုတ်ပြန်ချက်များကို လိုက်နာပေးကြရန် အသိပေးထားသည်။
