တမူးမြို့နယ်တွင် စစ်ကောင်စီ တပ်သား ၃ ဦး သေနတ် ၃ လက် ယူဆောင်လာပြီး အလင်းဝင်
ရန်ကုန်၊ ဇန်နဝါရီ ၁၇
စစ်ကိုင်းတိုင်း၊ တမူးမြို့နယ်တွင် အကြမ်းဖက် စစ်ကောင်စီ တပ်သား ၃ ဦး သေနတ် ၃ လက် ယူဆောင်လာပြီး အလင်းဝင်လာကြောင်း တမူး PDF တပ်ရင်း ၄ ထံမှ သိရသည်။
အကြမ်းဖက် စစ်တပ်၏ ခလရ ၂၆၉ မှ တပ်သား ၃ ဦးသည် တမူးမြို့ ပြည်သူ့ကာကွယ်ရေးတပ်မတော် တပ်ရင်း ၄ ထံ MA1 သေနတ် ၃ လက်နှင့် ခဲယမ်းများ ယူဆောင်လာပြီး အလင်းဝင်လာခြင်းဖြစ်ကြောင်း ယနေ့ ဇန်နဝါရီလ ၁၇ ရက်နေ့တွင် တမူး PDF တပ်ရင်း ၄ က ထုတ်ပြန်ထားသည်။
