ရန်ကုန်၊ ဇန်နဝါရီ ၁၉
မန္တလေးမြို့၊ မန်းမြို့စျေးအတွင်းရှိ ဆယ်သန်းရွှေဆိုင်တွင် ယနေ့ နံနက်ပိုင်း ဓားပြတိုက်ခံရသဖြင့် ရွှေ၂ ပိဿာဝန်းကျင် လက်ဝတ်ရတနာများ ပါသွား ကြောင်း မန္တလေးမြို့ခံတချို့က ရန်ကုန်ခေတ်သစ်သတင်းဌာနထံသို့ ပြောဆို သည်။
ယနေ့ နံနက်အစောပိုင်း မန်းမြို့စျေးတောင်ပေါက် ၃၉ လမ်း၊ ၈၄ x ၈၅ လမ်း ကြား တွင် ဖွင့်လှစ်ထားသော ဆယ်သန်းရွှေဆိုင်သို့ ဆိုင်ကယ်ဖြင့် မျက်နှာ ဖုံးစွပ်လူတချို့က ဝင်ရောက် ဓားပြတိုက်သွားခြင်းဖြစ်ကြောင်း သိရှိရသည်။
“ဓားပြတိုက်ချိန်တုန်းက မသိလိုက်ဘူး။ တိုက်ပြီးသွားမှ ဓားပြတိုက်သွားပြီ ဆိုပြီး ကြားရတာ။ ဖြစ်စဉ်အသေးစိတ်တော့ မသိရသေးဘူး။ ရွှေ ၂ ပိဿာ လောက်တန်ဖိုးရှိတဲ့ လက်ဝတ်ရတနာတွေ ပါသွားတယ်ပြောတယ်။ ဆယ်သန်း ရွှေဆိုင် ဆိုင်အမှတ် ၂ လို့ ပြောတယ်။ ဆိုင်အမှတ် ၁ က စျေးအတွင်းမှာ ဖွင့် ထား တာ။ ဆိုင်ကယ်နဲ့လာတိုက်သွားတာလို့ ပြောတယ်။ ခုနလေးတင်ကမှ ဖြစ်တာ” ဟု မန္တလေးမြို့ခံတစ်ဦးကရှင်းပြသည်။
ရန်ကုန်ခေတ်သစ်သတင်းဌာနက ရဲသတင်းရင်းမြစ်တချို့ထံ ဆက်သွယ် မေး မြန်း ရာ ရွှေဆိုင်ဓားပြတိုက်သည်ဟုသာ သိရှိရပြီး အသေးစိတ် အခြေ အနေ များ မသိရှိရသေးဟု ပြောဆိုသည်။
ဓာတ်ပုံ- မန္တလေးမြို့၊ ဆယ်သန်းရွှေဆိုင်ကို မြင်တွေ့ရစဉ်။(ပုံအဟောင်း ဖြစ်ပါသည်။)
#နွေဦးတော်လှန်ရေး #khitthitmedia #myanmarmedia #burmesemedia #foryou #foryoupage #NUG #springrevolution #မန္တလေးမြို့ #ဆယ်သန်းရွှေဆိုင် #ရွှေပိဿာ
