ကိုယ်ဝန်ဆောင်မိခင်၊ ကလေးငယ်များနှင့် အရပ်သား ပြည်သူများ အပေါ် သတ်ဖြတ်နေသည့် စစ်အုပ်စုကို စစ်ခုံရုံးတင် အပြစ်ပေးနိုင်ရေး ကုလသမဂ္ဂကဲ့သို့ နိုင်ငံတကာအဖွဲ့အစည်းများက ထိရောက်သော အကူအညီများပေးရန် IEC တိုက်တွန်းတောင်းဆို
ရန်ကုန်၊ ဖေဖော်ဝါရီ ၈
ကရင်နီပြည်နယ်အတွင်း၌ ကိုယ်ဝန်ဆောင်မိခင်၊ ကလေးငယ်များနှင့်အရပ်သားပြည်သူများအပေါ် သတ်ဖြတ်ခံနေရမှုများ အဆုံးသတ်ရေးအတွက် စစ်အုပ်စုကို နိုင်ငံတကာ စစ်ခုံရုံးတင်ကာ စစ်ဆေး အပြစ်ပေးနိုင်ရေးအတွက် ကုလသမဂ္ဂကဲ့သို့သော နိုင်ငံတကာ အဖွဲ့အစည်းများ၊ အိမ်နီးချင်းနိုင်ငံများ အနေဖြင့် ထိရောက်သော အကူအညီများ ဆက်လက်ပံ့ပိုးပေးရန် ကရင်နီပြည်ကြားကာလအုပ်ချုပ် ရေးကောင်စီ – IEC က တိုက်တွန်းတောင်းဆိုထားသည်။
ဖေဖော်ဝါရီလ ၄ ရက် ညနေပိုင်းက တောင်ကြီးမြို့နယ်၊ မိုင်းပျဉ်းအခြေစိုက် တရားမဝင် အာဏာ သိမ်း စစ်တပ် ခလရ ၂၄၉ ခန့်မှန်းအင်အား ၆၀ ကျော်သည် ရှားတောမြို့နယ်အတွင်း တောင်ယာ ခင်းတစ်ခုတွင် စစ်ရှောင်နေကြသည့် အရပ်သားပြည်သူ မိသားစု ၃ စု အား ဖမ်းဆီးခဲ့၍ လမ်းပြစေ ခဲ့ပြီး လူသားဒိုင်းအဖြစ် ခေါ်ဆောင်သွားခဲ့ကြောင်း၊ ထို့နောက် ဖေဖော်ဝါရီလ ၅ ရက် နံနက် ၈ နာရီ ဝန်းကျင်၌ဖမ်းဆီးခေါ်ဆောင်လာခဲ့သည့် အရပ်သားပြည်သူ ကလေးငယ် ၃ ဦး၊ ကိုယ်ဝန်ဆောင် အမျိုး သမီးတစ်ဦးအပါအဝင် အမျိုးသမီး ၃ ဦး၊ ကိုယ်ဝန်အတွင်း သန္ဓေသားလောင်း ၁ ဦး နှင့် အမျိုး သား ၁ ဦး စုစုပေါင်း ၇ ဦးကို ရက်စက်စွာ သတ်ဖြတ်ခဲ့ကြောင်း သိရသည်။
အဆိုပါ နေ့ရက်တစ်ရက်တည်း၌ပင် ဒီးမော့ဆိုမြို့နယ် ဒေါဆီးအီကျေးရွာနှင့် လွိုင်နန်းဖကျေးရွာတို့ ကို တရားမဝင်အာဏာသိမ်းစစ်တပ်၏ လေကြောင်းတိုက်ခိုက်မှုနှင့် လက်နက်ကြီး ပစ်ခတ်မှုတို့ ကြောင့် အပြစ်မဲ့ ကျောင်းသားကလေးသူငယ် ၄ ဦး၊ စစ်ရှောင် အမျိုးသား ၁ ဦး စုစုပေါင်း ၅ ဦး သေ ဆုံးခဲ့ကြောင်း သိရသည်။
အဆိုပါ ဖြစ်ရပ်ဆိုးများသည် တရားမဝင်အာဏာသိမ်း စစ်တပ်၏ လူ့အခွင့်အရေးချိုးဖောက်မှုနှင့် စစ်ရာဇဝတ်မှုများကို ရည်ရွယ်ချက်ရှိရှိ အရပ်သားပြည်သူများကိုပစ်မှတ်ထား တိုက်ခိုက်မှုဖြစ်ပြီး ထိုသို့ တိုက်ခိုက်မှုအပေါ် ကန့်ကွက်ရှုံ့ချပါကြောင်း ကရင်နီ ပြည်ကြားကာလအုပ်ချုပ် ရေးကောင်စီ – IEC က ထုတ်ပြန်ထားသည်။
ယခုကဲ့သို့ ဆိုးရွားလှသည့် လူ့အခွင့်အရေးချိုးဖောက်မှုများကို ဆက်တိုက် ကျူးလွန်နေမှုများ အဆုံး သတ်နိုင်ရန် ကမ္ဘာ့ကုသမဂ္ဂကဲ့သို့သော နိုင်ငံတကာအဖွဲ့အစည်းများ၊ အိမ်နီးချင်းနိုင်ငံများအနေဖြင့် ထိုစစ်ရာဇဝတ်မှုကျူးလွန်နေသူများကို နိုင်ငံတကာ စစ်ခုံရုံးများတွင် စစ်ဆေးအပြစ်ပေးနိုင်ရန်နှင့် နစ်နာခံစားခဲ့ရသော အရပ်သားပြည်သူ အမျိုးသမီးနှင့် ကလေးသူငယ်များအတွက် ထိရောက်သော အကူအညီများ ဆက်လက်ပံ့ပိုးပေးနိုင်ရန် ကရင်နီပြည် ကြားကာလအုပ်ချုပ် ရေးကောင်စီ – IEC က တိုက်တွန်း တောင်းဆိုထားသည်။
ဤကဲ့သို့ ဝမ်းနည်းဖွယ်ဖြစ်ရပ်ဆိုးကို ကြုံတွေ့ခဲ့ရသည့် မိသားစုဝင်များနှင့် နစ်နာဆုံးရှုံး ထိခိုက် သေ ကြေခဲ့ရသည့် အပြစ်မဲ့ ကလေးသူငယ်များ၊ အမျိုးသမီးများနှင့် အရပ်သားပြည်သူများအတွက် တရား မျှတမှုကို ဖော်ဆောင်ပြီး စစ်အာဏာရှင်နှင့် အာဏာရှင်ဟူသမျှ ချုပ်ငြိမ်းရေးကို အဆုံးစွန်အထိ လုပ် ဆောင်မည်ဖြစ်ကြောင်း ကရင်နီပြည် ကြားကာလအုပ်ချုပ် ရေးကောင်စီ – IEC က အသိပေးထား သည်။
