ဘားအံမြို့ရှိ တပ်မ ၂၂ မှ စစ်သားများကို ရဟတ်ယာဉ် ၃ စီးဖြင့် ခေါက်တုံ့ခေါက်ပြန် မြ၀တီမြို့နယ်ဘက်သို့ ပို့ဆောင်နေ
ရန်ကုန်၊ မတ် ၉
ကရင်ပြည်နယ်၊ ဘားအံမြို့နယ်၊ အမှတ်(၂၂)ခြေမြန်တပ်မဌာနချုပ် (တပ်မ ၂၂ ) မှ စစ်သားများကို Mi17 ရဟတ်ယာဉ် ၃ စီးဖြင့် ခေါက်တုံ့ခေါက်ပြန် မြ၀တီမြို့နယ်ဘက်သို့ ပို့ဆောင်နေကြောင်း ရန်ကုန်ခေတ်သစ်၏ သတင်းရင်းမြစ်က ပြောဆိုသည်။
“ဘားအံ တပ်မ ၂၂ ကနေ စစ်လေယာဉ် သုံးစီးဖြင့် စစ်ကူရော ပစ္စည်းထုတ်တွေရော ဒီနေ့ ညနေ ၃ နာရီလောက် ကစပြီး မြဝတီမြို့နယ်ဘက်ဆီကို ၂ ကြိမ်တိုင်တိုင် ပျံသန်းသွားနေပါတယ်။ ခေါက်တုံ့ ခေါက်ပြန် စစ်ကူပို့နေတယ်လို့ ပြောလို့ရတယ်”ဟု ရန်ကုန်ခေတ်သစ်၏ သတင်းရင်းမြစ်က ပြောသည်။
လတ်တလော မြ၀တီမြို့နယ်၊ သင်္ဃန်းညီနောင်ရှိ ခမရ ၃၅၅ တပ်ရင်း၊ သင်္ဃန်းညီနောင်ရဲစခန်းတို့ကို KNLA ဦးဆောင်သော တော်လှန်ရေးတပ်များက သိမ်းပိုက်လိုက်ပြီး ခမရ ၃၅၆ ၊ စစ်တပ် ဗျူဟာကုန်းများကို ဆက်လက် တိုက်ခိုက်နေဆဲဖြစ်ကြောင်း သိရှိရသည်။
ဓာတ်ပုံ- စစ်ကောင်စီ၏ Mi17 ရဟတ်ယာဉ်တစ်စီး။ (ပုံအဟောင်းဖြစ်ပါသည်။)
![Pinterest](https://pinterest.com/pin/create/button/?url=https://yktnews.com/2024/03/149708/&media=https://yktnews.com/wp-content/uploads/2024/03/430074139_766282215599387_1463462438977231376_n.jpg&description="ဘားအံ တပ်မ ၂၂ ကနေ စစ်လေယာဉ် သုံးစီးဖြင့် စစ်ကူရော ပစ္စည်းထုတ်တွေရော ဒီနေ့ ညနေ ၃ နာရီလောက် ကစပြီး မြဝတီမြို့နယ်ဘက်ဆီကို ၂ ကြိမ်တိုင်တိုင် ပျံ){kind=link}