ရန်ကုန်၊ ဇူလိုင် ၁၉
မန္တလေးတိုင်း၊ တောင်သာမြို့နယ်အတွင်း စစ်ကြောင်းထိုးလာသည့် အကြမ်း ဖက် စစ်သားများနှင့် တပ်စခန်းများကို PDF တပ်ဖွဲ့က ဝင်ရောက် တိုက်ခိုက်ရာ စစ်တပ်ဘက်မှ ၃၀ ကျော် ထက်မနည်း သေဆုံးခဲ့ကြောင်း မြင်းခြံခရိုင် အမှတ် ၃ တပ်ရင်း (Myingyan District Army-3_MDA-3_Taungtha Youth) မှ တာဝန်ရှိသူ တစ်ဦးက ရန်ကုန်ခေတ်သစ်မီဒီယာသို့ ပြောဆိုသည်။
ဇူလိုင်လ ၁၅ ရက်နေ့ နံနက် ၇ နာရီခန့်တွင် တောင်သာမြို့နယ်၊ ဇရက်ကြီးရွာကို အကြမ်းဖက် စစ်တပ်က အင်အား ၁၅၀ ခန့်ဖြင့် လက်နက်ကြီးများ ပစ်ခတ်ကာ ဝင်ရောက် စီးနင်းခဲ့သောကြောင့် မြင်းခြံခရိုင် အမှတ် ၃ တပ်ရင်းမှ သွားရောက် တိုက်ခိုက်ခဲ့ပြီး ကနဦး မိုင်းဆွဲ တိုက်ခိုက်မှု အတွင်း စစ်တပ်ဘက်မှ ၂၀ ဦးထက်မနည်း ထိခိုက်သေဆုံးခဲ့ကြောင်း သိရသည်။
ယင်းနေ့ ညနေ ၄ နာရီခန့်တွင် အကြမ်းဖက် စစ်တပ် စစ်ကြောင်း စခန်းချရာ နေရာကို မြင်းခြံခရိုင် တပ်ရင်း ၃ နှင့် တောင်သာ ပကဖ တို့က အနီးကပ် ဝင်ရောက် ပစ်ခတ်တိုက်ခိုက်ခဲ့ရာ အကြမ်းဖက် စစ်တပ်ဘက်မှ၇ ဦးထက်မနည်း သေဆုံးပြီး G-3 သေနတ် ၁ လက် သိမ်းဆည်းရရှိခဲ့ကြောင်း သိရှိရသည်။
ဇူလိုင်လ ၁၆ ရက်နေ့နှင့် ၁၇ ရက်နေ့တို့လည်း အဆိုပါ အကြမ်းဖက် စစ်ကောင်စီ တပ်သားများကို 35 အဖွဲ့ ၊ တပ်ရင်း ၉ နှင့် နွားထိုးကြီး ပကဖ တို့က စစ်ကူ ဝင်ရောက် ဝန်းရံမှုဖြင့် ပြောက်ကျားစနစ်ဖြင့် ဝင်ရောက် တိုက်ခိုက်ခဲ့ကြောင်း သိရသည်။
ဇူလိုက်လ ၁၈ ရက်နေ့ နံနက် ၉ နာရီခန့်တွင် တောင်သာမြို့ အထွက်တွင် တပ်ဆွဲနေထိုင်သည့် အကြမ်းဖက် စစ်ကောင်စီ အင်အား ၄၀ ခန့်ရှိ ပိဿတိုးတောင်ပေါ်ကို မြင်းခြံခရိုင် တပ်ရင်း ၃ က စစ်သုံ့ပန်းများထံမှ သိမ်းဆည်းရရှိသော လက်နက်ကြီး ၆၀ မမ ဖြင့် ၄ ချက် ပစ်ခတ်တိုက်ခိုက်ခဲ့ကြောင်း သိရှိရသည်။
ထို့ပြင် ယနေ့ နံနက်ပိုင်း ၉ နာရီခန့်တွင် တော်လှန်ရေး တပ်ဖွဲ့များက အနီးကပ် ဝင်ရောက် တိုက်ခိုက်ခဲ့ပြီး စစ်ကောင်စီ တပ်သား ၄ ဦး သေဆုံးခဲ့ကြောင်း၊ မွန်းလွဲပိုင်းတွင် ဇရက်ကြီးရွာမှ တောင်သာမြို့ကို ပြန်လည် ဆုတ်ခွာသွားသော စစ်ကြောင်းကို မြင်းခြံခရိုင် တပ်ရင်း၄ ၊ ခရိုင်ဒရုန်းTeam တို့မှ Drop ဗုံးဖြင့် စစ်ကူပြီး မြင်းခြံခရိုင် တပ်ရင်း ၃ က ၆၀ မမ ဖြင့် ပစ်ခတ် တိုက်ခိုက်ရာ စစ်ကောင်စီ တပ်သားများ အထိနာပြီး ပြန်လည် ဆုတ်ခွာသွားကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင် တပ်ရင်းအမှတ် ၃ နှင့်အတူ စစ်ကူအဖြစ် လာရောက် ဝန်းရံပေးသော မြင်းခြံခရိုင် တပ်ရင်း အမှတ် ၄ ၊ မြင်းခြံခရိုင်တပ်ရင်းအမှတ် ၈ ၊ မြင်းခြံခရိုင် တပ်ရင်း ၉ ၊ တောင်သာ ပကဖ ရဲဘော်များ ၊ မလှိုင် ပကဖ အဖွဲ့ နှင့် နွားထိုးကြီး ပကဖ အဖွဲ့တို့က ပူးပေါင်း လုပ်ဆောင်ခဲ့ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
