အရှေ့မြောက်တိုင်းစစ်ဌာနချုပ်ကို MNDAA က သိမ်းပိုက်ပြီးနောက် အကြမ်း ဖက်မင်းအောင်လှိုင်က ဝါဒဖြန့် မီဒီယာများမှတစ်ဆင့် စကားပြောမည်ဟုဆို
ရန်ကုန်၊ ဩဂုတ် ၅
ရှမ်းပြည်နယ်မြောက်ပိုင်း၊ လားရှိုးအခြေစိုက် အရှေ့မြောက်တိုင်းစစ်ဌာနချုပ် အသိမ်းခံရပြီးနောက် အကြမ်းဖက်မင်းအောင်လှိုင်က ဝါဒဖြန့် မီဒီယာများမှတစ်ဆင့် စကားပြောမည်ဖြစ်ကြောင်း စစ်တပ်လက်အောက်ခံ ဝါဒဖြန့် မီဒီယာများက ထုတ်ပြန် နေကြသည်။
အကြမ်းဖက် မင်းအောင်လှိုင်က နိုင်ငံ၏ လုံခြုံရေးဆိုင်ရာအခြေအနေများနှင့် ပတ်သက်၍ အသိပေးပြောကြားချက်ကို ယနေ့ ဩဂုတ်လ ၅ ရက်နေ့ ညနေပိုင်းတွင် ဝါဒဖြန့် မီဒီယာများမှတစ်ဆင့် ထုတ်လွှင့်မည်ဖြစ်ကြောင်း စစ်ကောင်စီ လက်အောက်ခံ ဝါဒဖြန့် မီဒီယာများက ဆိုကြသည်။
