Launglone People Defence Force – LLPDF ဖွဲ့စည်းခြင်း သုံးနှစ်ပြည့် အထိမ်းအမှတ်ပြုလုပ်
ရန်ကုန်၊စက်တင်ဘာ ၉
လောင်းလုံးမြို့နယ်ပြည်သူ့ကာ ကွယ်ရေးတပ်ဖွဲ့ Launglone People Defence Force- LLPDF ဖွဲ့စည်းခြင်း သုံးနှစ်ပြည့်အခမ်းအနားကိုစက်တင်ဘာလ ၈ရက်နေ့တွင် ပြုလုပ်ခဲ့ကြကြောင်းဟသိရှိရသည်။
အဆိုပါ အခမ်းအနားတွင် အလံတော်အလေးပြုခြင်း ၊ သစ္စာအဓိဌာန်ဆိုခြင်း ၊ ကျဆုံးရဲဘော်အား အလေးပြုခြင်း ၊ သုံးနှစ်ပြည့် ထုတ်ပြန်ချက်ဖတ်ကြားခြင်း ၊ ရဲဘော်တို့ပေးပို့သော ကဗျာများ ရွတ်ဖတ်ခြင်း ၊လောင်းလုံးမြို့နယ်ပြည်သူ့အုပ်ချုပ်ရေးအဖွဲ့(ပအဖ) တာဝန်ရှိသူများ တက်ရောက် ချီးမြှင့်အမှာစကားပြောကြားခြင်းနှင့် တပ်စု ၁၃ စုဖြင့် စုပေါင်းကာ Launglone PDF ဖြစ်ပုံလာ ပုံသမိုင်းကြောင်းကို ဒုတာဝန်ခံ ကိုကြွက်ဖြူက ရှင်းလင်းတင်ပြခြင်း အစီအစဉ်များ ဆောင်ရွက်ခဲ့ကြကာ အခမ်းအနား တက်ရောက်သူများကို အစားအစာများနှင့် ဧည့်ခံကျွေးမွေးခဲ့ကြောင်း သိရှိရသည်။
