ရန်ကုန်၊ မေ ၁၀
ထိုင်းနိုင်ငံရောက် မြန်မာနိုင်ငံသားများ ဦးဆောင်ကာ ယနေ့ မေလ ၁၀ ရက်နေ့တွင် အကြမ်းဖက် စစ်တပ် သွေးစွန်းငွေ ဖြတ်တောက်ရေး အတွက် အမေရိကန်အစိုးရအနေဖြင့် MOGE ကိုပိတ်ဆို့အရေးယူရေး တောင်းဆိုဆန္ဒပြခဲ့ကြောင်း သိရသည်။ ဆန္ဒပြ သူများသည် အမေရိကန် အစိုးရအား “ဘိုင်ဒန် – သင်အရေးယူတာ နောက်ကျလေ၊ တို့တတွေ ပိုခံစားရလေပဲ ရေနံငွေတွေကို ပိတ်ဆို့အရေးယူပါ”၊ “လူမျိုးတုန်း သတ်ဖြတ်မှုကျူးလွန်နေတဲ့ စစ်တပ်ရဲ့ ငွေကြေးထောက်တိုင် ရေနံငွေတွေကို ဖြတ်တောက်ခြင်းဖြင့် အသက်တွေကို ကယ်တင်ပါ”၊ “သမ္မတဘိုင်ဒန် – မြန်မာပြည်က ရက်စက်ကြမ်းကြုတ်မှုတွေ ရပ်စေဖို့ MOGE ကို ချက်ခြင်း ပိတ်ဆို့အရေးယူပါ”၊ “ယူအက်စ်အေ၊ ယူအက်စ်အေ – MOGE ကို ပိတ်ဆို့အရေးယူပါ”၊ “သမ္မတဘိုင်ဒန်၊ MOGEကို ပိတ်ဆို့အရေးယူမှုပါ”၊ “ငါတို့ အသက်တွေ ဆက်ပြီး ရှင်သန်ရမယ်ဆိုရင် ဓါတ်ငွေနဲ့ လျှပ်စစ်မီး မရှိတာ ငါတို့ ဂရုမစိုက်”၊ “သတ်ဖြတ်မှုတွေသာ ရပ်သွားမယ်ဆိုရင် ဓါတ်ငွေ့မရှိလည်း ဖြစ်တယ် အလုပ်မရှိလည်း ရတယ်” စသည့် အချက်များ တောင်းဆိုခဲ့ကြောင်း သိရသည်။
