ချောင်းဦးမြို့နယ်ရှိ မုံရွာခရိုင် တပ်ရင်း ၁၂ တပ်ခွဲ ၃ စခန်းကို စစ်တပ်က ဂျက်ဖိုက်တာဖြင့် ဗုံးကျဲ တိုက်ခိုက်မှု တော်လှန်ရေး ရဲဘော် ၁ ဦး ထိခိုက်ဒဏ်ရာရ
ရန်ကုန်၊ နိုဝင်ဘာ ၁
စစ်ကိုင်းတိုင်း၊ ချောင်းဦးမြို့နယ် အတွင်းရှိ မုံရွာခရိုင် တပ်ရင်း ၁၂ တပ်ခွဲ ၃ စခန်းကို အကြမ်းဖက် စစ်တပ်က ဂျက်ဖိုက်တာဖြင့် ဗုံးကျဲ တိုက်ခိုက်ခြင်းကြောင့် တော်လှန်ရေး ရဲဘော် ၁ ဦး ထိခိုက်ဒဏ်ရာရရှိခဲ့ကြောင်း မုံရွာခရိုင် တပ်ရင်း ၁၂ တပ်ခွဲ ၃ လျှပ်စီးတပ်ခွဲမှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
အောက်တိုဘာလ ၃၀ ရက်နေ့ မွန်းလွဲ ၃ နာရီ ၃၀ မိနစ်ခန့်တွင် ချောင်းဦးမြို့နယ် အတွင်းရှိ မုံရွာခရိုင် တပ်ရင်း ၁၂ တပ်ခွဲ ၃ စခန်းကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ ဂျက်ဖိုက်တာဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။
“တိုက်ပွဲ မဖြစ်ဘဲ လာပစ်တာပါ။ ရဲဘော် တစ်ဦး ခြေထောက် ဒဏ်ရာရပေမယ့် အသက်အန္တရာယ် မစိုးရိမ်ရပါဘူး”ဟု မုံရွာခရိုင် တပ်ရင်း ၁၂ တပ်ခွဲ ၃ လျှပ်စီးတပ်ခွဲမှ တာဝန်ရှိသူ တစ်ဦးက ပြောဆိုသည်။
![Pinterest](https://pinterest.com/pin/create/button/?url=https://yktnews.com/2024/11/190390/&media=https://yktnews.com/wp-content/uploads/2024/11/465232816_917418307152443_934849657115127223_n.jpg&description="တိုက်ပွဲ မဖြစ်ဘဲ လာပစ်တာပါ။ ရဲဘော် တစ်ဦး ခြေထောက် ဒဏ်ရာရပေမယ့် အသက်အန္တရာယ် မစိုးရိမ်ရပါဘူး"ဟု မုံရွာခရိုင် တပ်ရင်း ၁၂ တပ်ခွဲ ၃ လျှပ်စီးတပ်ခွဲမှ){kind=link}