မကွေးတွင် အတင်းအဓမ္မ စစ်သားသစ် စုဆောင်းခံရသူ ၂ ဦး လက်နက်များ ယူဆောင်လာပြီး အလင်းဝင်
မကွေးတိုင်းတွင် အကြမ်းဖက် စစ်တပ်၏ အတင်းအဓမ္မ စစ်သားသစ် စုဆောင်းခံရသူ ၂ ဦး လက်နက်များ ယူဆောင်လာပြီး အလင်းဝင်လာကြောင်း ပြည်သူ့ကာကွယ်ရေးတပ်မတော် ကြိုးကြာနီတပ်ရင်း တပ်ရင်း ၇ က ပြောဆိုသည်။
စစ်ကောင်စီ တပ်သား ၂ ဦးသည် မကွေးအရှေ့ခြမ်းပြည်သူ့ကာကွယ်ရေးတပ်တော် ကြိုးကြာနီတပ်ရင်း တပ်ရင်း ၇ ထံကို ဆက်သွယ်ပြီး အလင်းဝင်ရောက်လာခြင်းဖြစ်ကြောင်း သိရသည်။
အဆိုပါ စစ်ကောင်စီ တပ်သား ၂ ဦးသည် MA-11 သေနတ် ၂ လက် ၊ ကျည်ဘောက် ၆ ဘောက် ၊ ၅.၅၆ ကျည် ၂၀၀ ဝန်းကျင်ခန့် ၊ လက်ပစ်ဗုံး ၁ လုံး ၊ ၁၄ နင်းမိုင်း ၁ လုံး တို့ကို ယူဆောင်လာပြီး အလင်းဝင်ရောက်ခဲ့ခြင်းဖြစ်ကြောင်း သိရှိရသည်။
လက်ရှိချိန်တွင် ယင်း စစ်ကောင်စီ တပ်သား ၂ ဦးကို လုံခြုံသော နေရာသို့ ပို့ဆောင်ခဲ့ပြီး ကြိုးကြာနီတပ်ရင်း တပ်ရင်း ၇ မှ တာဝန်ယူစောင့်ရှောက်ထားကြောင်း၊ ဆက်လက်၍ ဂုဏ်ပြုဆုငွေ ပေးအပ်ခြင်းနှင့် ၄င်းတို့ တွေ့ကြုံခဲ့ရသော အဖြစ်အပျက်များ၊ ခံစားချက်များကို မေးမြန်းပြီး ထုတ်ပြန်ကြေငြာပေးမည် ဖြစ်ကြောင်း ကြိုးကြာနီတပ်ရင်း တပ်ရင်း ၇ က ပြောဆိုသည်။
