ပုလဲမြို့ပေါ်ရှိ လဝက ရုံးမှ ထွက်ပြေးလာသော စစ်ကောင်စီ တပ်သား ၁ ဦးကို PDF တပ်ဖွဲ့က အရှင်ဖမ်းဆီး
စစ်ကိုင်းတိုင်း၊ ပုလဲမြို့ပေါ်ရှိ လဝက ရုံးတွင် တာဝန်ထမ်းရင်း ထွက်ပြေးလာသည့် စစ်ကောင်စီ တပ်သား ၁ ဦးကို အရှင်ဖမ်းဆီးနိုင်ခဲ့ကြောင်း ချင်းတွင်းကာကွယ်ရေး အထူးတပ်ဖွဲ့ကပြောဆိုသည်။
ဒီဇင်ဘာလ ၃ ရက်နေ့တွင် ပုလဲမြို့ပေါ်ရှိ လဝက ရုံးတွင် တာဝန်ထမ်းရင်း ထွက်ပြေးလာသည့် မကွေးမြို့နယ် ကပစ ၈၉ တပ်ရင်းမှ တပ်သား မိုးမင်းအောင်ကို ချင်းတွင်း ကာကွယ်ရေးအထူးတပ်ဖွဲ့ (CDF) က အရှင်ဖမ်းဆီးနိုင်ခဲ့ခြင်းဖြစ်ကြောင်း သိရသည်။
အဆိုပါ ဖမ်းဆီးရမိသော စစ်ကောင်စီ တပ်သားကို လက်ရှိချိန်တွင် ဆားလင်းကြီးမြို့နယ် ပြည်သူ့လုံခြုံရေး (ပလဖ) ထံကို လွှဲပြောင်း အပ်နှံလိုက်ပြီး စစ်ဆေးမေးမြန်းမှုများ ပြုလုပ်ကာ အရေးယူမှုများ ဆက်လက် လုပ်ဆောင်သွားမည်ဖြစ်ကြောင်း သိရှိရသည်။
