ပန်းတောင်း နှင့်အမ်းမြို့နယ်အစပ် မိုးထိတောင် စစ်တပ်စခန်းကို AA က တိုက်ခိုက်နေပြီး စစ်တပ်ဘက်မှ ဒုတပ်ကြပ် ၁ ဦး အပါအဝင် စစ် သည် ၃ ဦးသေဆုံး၊ ခမရ ၅၈၉ တပ်ရင်းမှ ဗိုလ်မှူး နန်းဦးပျောက်ဆုံးနေ
ရန်ကုန်၊ ဇန်နဝါရီ ၁၈
ရခိုင်ပြည်နယ်နှင့် ပဲခူးတိုင်း အစပ်ရှိ မိုးထိတောင်စစ်တပ်စခန်းတွင် တိုက်ပွဲဖြစ်ပွားနေပြီး အကြမ်းဖက် စစ်တပ်ဘက်မှ ဒုတပ်ကြပ် ၁ ဦး အပါအဝင် ၃ ဦးသေဆုံးကာ ခမရ ၅၈၉ မှ ဗိုလ်မှူး နန်းဦး ပျောက်ဆုံးနေကြောင်း တပ်သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။
ဇန်နဝါရီလ ၁၅ ရက်နေ့ နံနက် ၈ နာရီခန့်အချိန်မှ စတင်ပြီး မိုးထိတောင်ရှိ အကြမ်းဖက် စစ်တပ်စခန်းတွင် တိုက်ပွဲဖြစ်ပွားနေခြင်းဖြစ်ပြီး စစ်တပ် ဘက်မှ နေပြည်တော် ဧလာလေတပ်မှ YAK 130 တိုက်ခိုက်ရေး လေယာဉ် ၂ စီး၊ MIG-29 လေယာဉ်တို့ဖြင့် ဗုံးကျဲ ခုခံခဲ့ကြောင်း သိရသည်။
ယင်း တိုက်ပွဲအတွင်း အကြမ်းဖက် စစ်တပ်ဘက်မှ ခမရ ၅၈၉ တပ်ရင်းမှ တပ်သား ထွန်းလင်း၊ ခမရ ၅၉၆ တပ်ရင်းမှ တပ် သား အာကာလင်းနှင့် ခယရ ၂ (ခဲယမ်းမီးကျောက်တပ်ရင်း) မှ ဒုတပ်ကြပ် တင်မောင်သန်း တို့ သေဆုံးခဲ့ကြောင်း သိရှိရသည်။
ထို့ပြင် တိုက်ပွဲအတွင်း ခမရ ၅၉၆ တပ်ရင်းမှ ဗိုလ်မှူး ဇမ္ဗူထွန်း ညာလက်ခုံ ကျည်ဖောက် ဒဏ်ရာရရှိကာ ကပစ ၅ မှ ဗိုလ်ကြီး ကောင်းထက်ဇော် ဘယ်ညာ ခြေသလုံး ဗုံးစထိမှန်ခဲ့ပြီး ခမရ ၅၈၉ တပ်ရင်းမှ ဗိုလ်ကြီး နန်းဦး အဆက်အသွယ်မှုပြတ်တောက်နေကာ တပ်သား ၂၅ ဦးထက်မနည်း ဒဏ်ရာရရှိထားကြောင်း သိရှိရသည်။
အဆိုပါ ထိတွေ့ တိုက်ပွဲများသည် ဆက်လက် ဖြစ်ပွားနေပြီး အကြမ်းဖက် စစ်တပ်ဘက်မှ လက်နက်ကြီးပစ်ခတ်မှုများ ပြုလုပ်နေကြောင်း၊ မိုးထိတောင် အရှေ့ဘက်ခြမ်းရှိ ပန်းကန်ကွဲ နေရာတွင်လည်း ဆင်တဲ ကပစ ၃ မှ ဒုမှူးကြီး ညီညီထွန်း ဦးစီးသော အကြမ်းဖက် စစ်တပ်စစ်ကြောင်းက အသင့်နေရာယူထားပြီး လေထီးစက်တပ် ၃ စီးကို အသင့်ပြင်ဆင်ထားသော်လည်း ပစ်ချခံရမည်ကို စိုးရိမ်သောကြောင့် လက်ရှိချိန်အထိ တိုက်ခိုက်မှု မရှိသေးကြောင်း သိရသည်။
“မိုးထိတောင် စစ်ခွေးစခန်းမှာ ၁၅ ရက်နေ့ နံနက် တည်းက တိုက်ပွဲဖြစ်နေတာ စစ်ခွေး ၃ ကောင်သေတယ်။ တိုက်ပွဲက ဆက်ဖြစ်နေတုန်းဆိုတော့ လက်ရှိ မြေပြင် အခြေအနေကို ဆက်လက်စုံစမ်းနေတုန်းပါပဲ။ ဗိုလ်မှူး ဇမ္ဗူထွန်းနဲ့ ဗိုလ်ကြီး ကောင်းထက်ဇော်လည်း ဒဏ်ရာတွေရထားတဲ့ စစ်ခွေးဒဏ်ရာရတွေ အတော်များတယ်။ လေယာဉ်ကတော့ ဆက်တိုက်ကိုကျဲနေတာပဲ။ လေထီးစက်တပ်တွေ သူတို့ ကြိုတင်ပြင်ဆင်ထားပေးမယ့် ထုတ်သုံးတာတော့ မတွေ့သေးဘူး။ ပစ်ချခံရမှာ ကြောက်လန့်နေတယ်လို့လည်းသိရတယ်” ဟု ဒေသတွင်း သတင်းရင်းမြစ်များက ပြောဆိုသည်။
မိုးထိတောင်တွင် စစ်ကောင်စီက အသုံးပြုနေသော 21 channel Drone Guard မှာ AA က ပစ်ခတ်သော လက်နက်ကြီးထိမှန်၍ ပျက်စီးသွားကြောင်း သိရှိရသည်။
