By ရန်ကုန်ခေတ်သစ်
ဒီကနေ့ မေ ၂၈ ရက် ညနေပိုင်း ရရှိထားတဲ့သတင်းတွေကတော့
-နိုင်ငံတော်အကြီးအကဲတွေနဲ့ အစိုးရဝန်ကြီးချုပ်တွေ၊ ဝန်ကြီးတွေကို လိမ်လည်အမှုဆင်တဲ့ စသုံးလုံးအရာရှိ စိုးနောင်ဦးနဲ့ မောင်မောင်မြင့်တို့ရဲ့ ကိုယ်ရေးအချက်အလက်တွေ ပေါက်ကြား လာပါတယ်။
– ကရင်အမျိုးသားအစည်းအရုံး KNU တပ်မဟာ ၅ နဲ့ တပ်မဟာ ၁ နယ်မြေတွေက ဆုတ်ခွာသွားတဲ့ အကြမ်းဖက်စစ်ကောင်စီ လက်အောက်ခံ BGF တပ်ရင်းတွေဟာ တပ်မဟာ ၆ အတွင်းက လေးကေ့ ကော်ဒေသကို မေလ ၂၆ ရက်နေ့က စပြီး ၊ အင်အားဖြည့် ဝင်ရောက်လာနေတယ်လို့ သိရပါတယ်။
-စစ်အာဏာရှင်ကို စွန့်ခွာပြီးတော့ CDM ပြုလုပ်လာတဲ့ အကြမ်းဖက်စစ်တပ်ရဲ့ အဆင့်မြင့်ဆက်သွယ်မှု တပ်ရင်းက တပ်သား ၁ ဦး နဲ့ တပ်မ ၆၆ ၊ ခလရ ၁ က တပ်သား ၁ ဦးရဲ့ ဖွင့်ဟဝန်ခံချက်တွေကို ကရင်နီ ပြည်သူ့ရင်ခွင်က ဒီကနေ့ မေလ ၂၈ ရက်မှာ ထုတ်ပြန်လိုက်ပါတယ်။
-မကွေးတိုင်း၊ ဂန့်ဂေါမြို့နယ်၊ မြစ်သာဆည်မှာ အကြမ်းဖက် စစ်တပ်က လေကြောင်းနဲ့ ပစ်ခတ်ပြီး မြေပြင် စစ်ကြောင်း အင်အား အများအပြားနဲ့ PDF တပ်ဖွဲ့ကို ထိုးစစ်ဆင်နေတဲ့ သတင်းတွေအပါအဝင် နောက်ဆုံးရသတင်းတွေ တင်ဆက်ပေးပါမယ်။
