တီးတန်မြို့ရှိ ခလရ ၂၆၉ တပ်ရင်းမှ စစ်ကောင်စီ တပ်သား ဒုတပ်ကြပ် ၁ ဦးအပါအဝင် ၂ ဦး လက်နက်ခဲယမ်းများ ယူဆောင်လာပြီး အလင်းဝင်
ချင်းပြည်နယ်၊ တီးတန်မြို့ရှိ ခလရ ၂၆၉ တပ်ရင်းမှ စစ်ကောင်စီ တပ်သား ဒုတပ်ကြပ် ၁ ဦးအပါအဝင် ၂ ဦး လက်နက်ခဲယမ်းများ ယူဆောင်လာပြီး အလင်းဝင်ရောက်ခဲ့ကြောင်း PDF Zoland က ပြောဆိုသည်။
ဧပြီလ ၃ ရက်နေ့တွင် တီးတိန်မြို့ရှိ ခလရ ၂၆၉ တပ်ရင်းမှ တပ်သား မောင်ဖိုးခွားနှင့် ဒုတပ်ကြပ် မျိုးမင်းကျော်တို့ PDF Zoland ထံ အလင်းဝင်ရောက်ခဲ့ခြင်းဖြစ်ကြောင်း သိရသည်။
အလင်းဝင်လာသော စစ်ကောင်စီ တပ်သား ၂ ဦးသည် MA အမျိုးအစား သေနတ် ၂ လက်၊ ကျည်များ၊ ကျည်ဘောက်များ၊ လက်ပစ်ဗုံး၊ အီနာဂါဗုံးသီး၊ စကားပြောစက်နှင့် စစ်အသုံးအဆောင်ပစ္စည်းများ ယူဆောင်လာသောကြောင့် PDF Zoland က ဂုဏ်ပြုဆုငွေ ချီးမြှင့်ခဲ့ကြောင်း သိရှိရသည်။
ထိုသို့ ထပ်မံ အလင်းဝင်ရောက်လိုသော စစ်ကောင်စီ တပ်သားများကိုလည်း PDF Zoland က ဖိတ်ခေါ်ထားပြီး အလင်းဝင်လာသူများကိုလည်း ကောင်းမွန်စွာ စောင့်ရှောက်ထားကြောင်း သိရသည်။
