ရန်ကုန်၊ မေ ၁၈
စစ်ကိုင်းတိုင်းဒေသကြီး၊ မုံရွာခရိုင် ဘုတလင်မြို့နယ်မှာ အရင်ဗိုလ်ချုပ်ဟောင်း သာအေးရွာဖြစ်တဲ့ ချောင်းဝကြီးကျေးရွာကို ဒီနေ့ ဇွန်လ ၆ ရက်နေ့ စစ်ကောင် စီတပ်တွေက ဒုတိယအကြိမ် ထပ်မံမီးရှို့ခံခဲ့ရပြီး သာအေးရဲ့ ညီမ ဒေါ်မြမြအိမ်ပါ မီး လောင် ကျွမ်းသွားခဲ့တယ်လို့ ဒေသခံတွေက ပြောပါတယ်။
ဒီနေ့ ညနေပိုင်းအထိ မီးရှို့ခံခဲ့ရတဲ့ချောင်းဝကြီးကျေးရွာမှာ မီးမငြိမ်းသတ်နိုင်သေးသလို ဒေသခံရွာသားတွေကတော့ ဘေးလွတ်ရာကို ထွက်ပြေးတိမ်းရှောင်နေကြရတယ်လို့လည်းဆိုပါတယ်။
“ညနေပိုင်းမှာ ကျနော်ရွာထဲကို ရောက်သွားတယ်။ မီးကမငြိမ်းသေးဘူး။ရွာသားတွေကတော့ ပြေးကုန်ကြပြီး။ယခင်တိုင်းမှုးဗိုလ်ချုပ်သာအေးရွာပေါ့ဗျာ။ သာအေးမကလို့ သာအေးအဖေအိမ်ဖြစ်ပါစေ။အကုန်သာရှို့ဆိုပြီး စစ်ကောင်စီတပ်က ပြောကြတယ်တဲ့။အခုတော့ သာအေးညီမအိမ်ပါ မီးထဲပါသွားပြီ။ဒါရောဆိုရင် ဒုတိယအကြိမ် ထပ်ပြီး မီးရှို့ခံခဲ့ရတာပါ “လို့ ဒေသခံတစ်ဉီးက ပြောပါတ ယ်။
မီးမရှို့ခင် အရင်ဗိုလ်ချုပ်သာအေးရဲ့ ညီမဖြစ်သူအိမ်ထဲမှာ ဗိုလ်ချုပ်သာအေးရဲ့ ဓာတ်ပုံကို ချိတ်ဆွဲထားပေမယ့်လည်း မီးရှို့သွားကြောင်း၊ ညီမဖြစ်သူမှာ ဒေသခံရွာသားများနှင့်အတူ စစ်ဘေးတိမ်းရှောင်နေရတယ်လို့လည်း ပြောပါတယ်။
ချောင်းဝကြီးကျေးရွာ မီးလောင်ဆုံးရှုံးမှု ပက်သက်ပြီး အိမ်ခြေကိုတော့ လက်တလောမှာ အတည်မပြုနိုင်သေးသလို ဒီနေ့မှာတော့ ဒေသခံကာကွယ်ရေးတပ်ဖွဲ့တွေနဲ့ စစ်ကောင်စီကြားမှာ တိုက်ပွဲဖြစ်ခဲ့တာလို့ မရှိခဲ့ဘူးလို့လည်းဆိုပါတယ်။
ဘုတလင်မြို့နယ်မှာ မကြာခဏဆိုသလို စစ်ကောင်စီတပ်နဲ့ဒေသခံကာ ကွယ်ရေးတပ်ဖွဲ့တွေကြား မကြာခဏဆိုသလို ထိတွေ့တိုက်ပွဲတွေဖြစ်ပွားနေတယ်လို့လည်း သိရပါတယ်။
မေလ ၁၈ ရက်နေ့ စစ်ကိုင်းတိုင်း၊ ဘုတလင်မြို့နယ်မှာ စစ်ကိုင်းတိုင်းဝန်ကြီး ချုပ်ဟောင်း၊ အငြိမ်းစားဗိုလ်ချုပ် သာအေး၏ မွေးရပ်မြေ သာယာကုန်း၊ချောင်း၀ကြီးကျေးရွာကို ပထမအကြိမ် မီးရှို့ဖျက်ဆီးတဲ့အတွက် သာအေးရဲ့ ညီမဖြစ်သူ အပါအဝင် အမျိုးတွေနဲ့ ကြံ့ခိုင်ရေးပါတီဝင်တွေ ရွာလုံးကျွတ် ထွက်ပြေးခဲ့ရပါတယ်။
စစ်ကိုင်းဝန်ကြီးချုပ်ဟောင်း၊ ဗိုလ်ချုပ်ဟောင်း သာအေးရဲ့ ညီမဖြစ်သူ အပျို ကြီးဒေါ်မြမြက ကျေးရွာမှ စွန့်ခွာ၍ ဆွေမျိုးများရှိရာ ဘုတလင်တွင် ပြောင်းရွှေ့စစ်ဘေးရှောင်နေသည်မှာ ၄ လနီးပါးရှိလာပြီဖြစ်တယ်လို့ ဒေသခံတွေဆီက သိရပါတယ်။
(မျက်မှောက်ခေတ်နှင့်ရန်ကုန်ခေတ်သစ် ပူးတွဲရေးသားသည်။)
