ယူကေနိုင်ငံ လန်ဒန်မြို့တွင် နိုင်ငံတော်အတိုင်ပင်ခံ ဒေါ်အောင်ဆန်းစုကြည်၏ အသက် ၈၀ ပြည့်မွေးနေ့အထိမ်းအမှတ် တော်လှန်ရေးရန်ပုံငွေ စျေးရောင်းပွဲကို ဇွန်လ ၂၁ ရက်နေ့တွင် ကျင်းပခဲ့ကြောင်း သိရှိရသည်။
အဆိုပါ အခမ်းအနားကို ဒေါ်အောင်ဆန်းစုကြည်၏ သားငယ် ကိုထိန်လင်း၊ ပြည်ထောင်စုဝန်ကြီး ဒေါက်တာ ဆာဆာ၊ ယူကေနိုင်ငံဆိုင်ရာ ကိုယ်စားလှယ် ဦးမောင်မောင်အောင်၊ ဒေါက်တာသက်ကိုကိုနှင့် ယူကေရောက် မြန်မာနိုင်ငံဖွား ၁၀၀၀ ကျော်တက်ရာက်ခဲ့ပြီး ရန်ပုံငွေစျေးရောင်းပွဲမှ ရရှိသော ရန်ပုံငွေများကို မြန်မာပြည်မှ လိုအပ်သောနေရာများသို့ ပေးပို့လှူဒါန်းသွားမည်ဖြစ်ကြောင်း သိရှိရသည်။
