ဒီကနေ့ ဇူလိုင် ၄ ရက် ညနေပိုင်း တင်ဆက်ပေးမယ့် သတင်းတွေကတော့
- မန္တလေးတိုင်းက မြင်းခြံမြို့မှာ အကြမ်းဖက် စစ်ကောင်စီတပ် စစ်ကြောင်းနဲ့ ရိက္ခာပို့ စစ်ယာဉ်တန်းကို တော်လှန်ရေးပူးပေါင်းတပ်တွေက တိုက်ခိုက်ခြေမှုန်းမှုအတွင်း စစ်ကောင်စီတပ် စစ်ကြောင်းတစ်ခုလုံး ပျက်ဆီးသွားပြီး စစ်ကြေင်းမှုးအပါအဝင် စစ်သား အယောက် ၃၀ ကတော့ အသီးသီး သေကုန်ကြတဲ့ အပြင် ၊စစ်သား ၄ ဦးကိုပါ အရှင်ဖမ်းဆီးရမိထားသလို ရိက္ခာတင်ကား ကိုလည်း သိမ်းဆည်းရရှိထား တယ်လို့ တော်လှန်ရေးသတင်းရင်းမြစ်က ရန်ကုန်ခေတ်သစ်ကို ပြောပါတယ်။
- အကြမ်းဖက်စစ်ကောင်စီက အာဏာသိမ်းပြီးတဲ့နောက် တော်လှန်ရေးတပ်ဖွဲ့တွေရဲ့ ပစ်ချမှုကြောင့် ပျက်ကျသွားတဲ့ စစ်လေယာဉ်တွေ ၊ရဟတ်ယာဉ်တွေနဲ့ အတူ စစ်ကောင်စီတပ်ရဲ့ ဗိုလ်မှူးချုပ် ၁ ဦး အပါအဝင် စစ်သား ၄၃ ဦး ကတော့ အသီးသီး သေကုန်ကြပြီးဖြစ်တယ်လို့ ရန်ကုန်ခေတ်သစ်က ပြုစု ထားတဲ့ စာရင်းတွေအရသိရပါတယ်။
- မကွေးတိုင်းက ဆင်ပေါင်ဝဲမြို့နယ်မှာရှိတဲ့ အကြမ်းဖက် စစ်ကောင်စီတပ်ရဲ့ စစ်ဆေးရေးဂိတ်မှာ တာဝန် အချိန်းအပြောင်းလုပ်ဖို့ လာတဲ့ စစ်သားတွေကို တော်လှန်ရေးတပ်တွေက ကြားဖြတ် တိုက်ခိုက်ရာမှာ စစ်ကောင်စီဘက်က ဗိုလ်ကြီး ၁ ဦးအပါအဝင် စစ်သား ၈ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
