ကရင်နီပြည်သူများအတွက် နယ်မြေကွင်းဆင်း၍ ကျန်းမာရေးစောင့်ရှောက်မှု ပေးနေသော ဆေးခန်းတာဝန်ခံ Soe Reh အကြမ်းဖက်စစ်တပ်၏ ပစ်ခတ်မှုကြောင့် သေဆုံး

ရန်ကုန်၊ ဇူလိုင် ၁၈

ကရင်နီ ပြည်သူများအတွက် နယ်မြေကွင်းဆင်း၍ ကျန်း မာရေးစောင့်ရှောက်မှုလုပ်ငန်းများ ဆောင်ရွက် ပေးနေစဉ် စစ်တပ်၏ ပစ်ခတ်မှုကြောင့် ဆေးခန်းတာဝန်ခံ Soe Reh သေဆုံးသွားကြောင်း အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနက တရားဝင် သတင်းထုတ်ပြန်သည်။

ဇူလိုင်လ ၁၄ ရက်နေ့ ကရင်နီ နယ်လှည့်ကျန်းမာရေးကော်မတီ – Karenni Mobile Health Committee (KnMHC) ၏ ဆေးခန်းတာဝန်ခံ (Clinic In-Charge) တစ်ဦးဖြစ်သူ အသက် ၂၆ နှစ်အရွယ် Soe Reh သည် ကရင်နီပြည်သူများအတွက် ကျန်းမာရေးစောင့် ရှောက်မှုလုပ်ငန်းများအား ကွင်းဆင်းဆောင်ရွက်နေစဉ် အကြမ်း ဖက်စစ်ကောင်စီတပ်၏ ပစ်ခတ်မှုကြောင့် ကျဆုံးခဲ့ရခြင်းဖြစ်သည်။

Soe Reh သည် ၂၀၂၃ ခုနှစ်၊ ဩဂုတ်လ၌ KnMHC ၏ Medic ဆေးသင်တန်း တစ်နှစ်ကို တက်ရောက်အောင်မြင်ပြီးခဲ့သူဖြစ်ကြောင်း၊ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနသည် Soe Reh အား အာဇာနည်သူရဲကောင်းတစ်ဦးအဖြစ် အသိအမှတ်ပြုအပ်ပြီး မိသားစုနှင့်ထပ်တူ ကြေကွဲဝမ်းနည်းရပါကြောင်း NUG ကျန်းမာရေးဝန်ကြီးဌာနက ကြေညာထားသည်

စစ်တပ် အာဏာသိမ်းပြီးနောက် စစ်တပ်၏ သတ်ဖြတ်မှုကြောင့် ၄ နှစ်ကျော်ကာလအ တွင်း CDM များ အပါအဝင် ကျန်းမာရေးဝန်ထမ်း ၁၃၃ ဦး သေဆုံးပြီး ၁၃၅ ဦး ဒဏ်ရာရခဲ့ကြောင်း NUG ၏ ထုတ်ပြန်ချက်အရ သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar