ရန်ကုန်၊ ဇူလိုင် ၃၀
မန္တလေးတိုင်း၊ စဉ့်ကူးမြို့နယ်၊ လက်ပန်လှရဲစခန်းနှင့် ရွှေပန်းတောကျေးရွာကို စစ်တပ်က လေယာဉ်ဖြင့် ဗုံးကျဲမှု အကျဉ်းသားနှင့်သံသယ တရားခံ ၂၂ ဦး သေဆုံးကြောင်း ပြည်သူ့ကာကွယ်ရေးတပ်မတော် (မန္တလေး)က သတင်းထုတ်ပြန်သည်။
ဇူလိုင်လ ၂၉ ရက်နေ့ ညနေပိုင်း စဉ့်ကူးမြိုနယ် လက်ပန်လှကျေးရွာရှိ ရဲစခန်းနှင့် ရွှေပန်တောကျေးရွာတို့ကို လေကြောင်းတိုက် ခိုက်မှုများ ပြုလုပ်ခဲ့ကြောင်း၊ လက်ပန်လှရဲစခန်းကို လေကြောင်းတိုက်ခိုက်မှုကြောင့် ပြစ်ဒဏ်ကျ အကျဉ်းသားများနှင့် စစ်ဆေးနေဆဲ သံသယတရားခံများဖြစ်သော အမျိုးသား ၂၁ ဦး နှင့် အမျိုးသမီး ၁ ဦး အသက်ဆုံးရှုးခဲ့ရပြီး ထိခိုက်ဒဏ်ရာရသူ ၃၀ ဝန်း ကျင်ရှိခဲ့ကြောင်း သိရှိရသည်။
ထို့အပြင် ရွှေပန်းတောကျေးရွာကို လေကြောင်းတိုက်ခိုက်မှုအတွင်း ပြည်သူ အမျိုးသား ၁ ဦးနှင့် အမျိုးသမီး ၁ ဦး အသက်ဆုံးရှုးခဲ့ရကြောင်း၊ အကြမ်းဖက် စစ်ကောင်စီက ပြည်သူကို ပစ်မှတ်ထား၍ လေကြောင်းတိုက်ခိုက်မှုများ ဆက်တိုက်ပြုလုပ်လျက်ရှိပြီး စစ်ရာဇဝတ်မှုများကို ပေါ်ပေါ်ထင်ထင် ကျူးလွန်လျက်ရှိကြောင်း ပြည်သူ့ကာကွယ်ရေးတပ်မတော် (မန္တလေး)က သတင်းထုတ်ပြန်ထားသည်။
“တိုက်ပွဲဖြစ်တာမရှိပါဘူး။ လေယာဉ်ဝဲလာပြီးတော့ ဗုံးကျဲချသွားတာ” ဟု စဉ့်ကူးမြို့နယ်၊ လက်ပန်လှကျေးရွာမှ ပြည်သူတစ်ဦးက ယမန်နေ့ ညပိုင်း ရန်ကုန်ခေတ်သစ်သတင်းဌာနထံသို့ ပြောဆိုသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
