ရန်ကုန်၊ ဩဂုတ် ၂၆
ထိုင်းနိုင်ငံ၊ ကန်ချနဘူရီခရိုင်၊ တောအတွင်း တရားမဝင် ဝင်ရောက်လာသော မြန်မာနိုင်ငံသား ၁၀၀ ဦးကို ဖမ်းဆီးရရှိကြောင်း ထိုင်းသတင်းဌာနများ၏ ဖော်ပြချက်အရ သိရှိရသည်။
ယမန်နေ့ ဩဂုတ်လ ၂၅ ရက်နေ့ ကန်ချပူရီခရိုင်၊ ဆန်ခလာဘူရီ အတွင်းရှိ တောများအတွင်း ထိုင်းနိုင်ငံအတွင်းသို့ တရားမဝင် ပုန်းအောင်း ဝင်ရောက်လာသော မြန်မာနိုင်ငံသား ၁၀၀ ကျော်ကို ဖမ်းဆီးရရှိခဲ့ကြောင်း၊ တရားမဝင် ဝင်ရောက်သော မြန်မာနိုင်ငံသား လူငယ် ၁၀၀ဦးအတွင် အမျိုးသား ၆၂ ဦးနှင့် အမျိုးသမီး ၃၈ ဦးတို့ ပါဝင်ကြောင်း သိရှိရသည်။
အဆိုပါ မြန်မာနိုင်ငံသား ၁၀၀ ဦးမှာ မြန်မာနိုင်ငံ နေရာအနှံ့အပြား မြို့အသီးသီးမှဖြစ်ပြီး ဘုရားသုံးဆူမှ တစ်ဆင့် တောလမ်းနှင့်ရေလမ်းများအတိုင်း ထိုင်းနိုင်ငံအတွင်းသို့ ဝင်ရောက်လာခြင်းဖြစ်ကြောင်း၊ ၎င်းတို့ထံတွင် စာရွက်စာတမ်း အထောက်အထား တစ်စုံတစ်ရာ မရှိကြောင်း၊ ဝင်ရောက်လာသူများမှာ ထိုင်းတွင် အလုပ်လုပ်မည့် မြန်မာလူငယ်များဖြစ်ကြောင်း သိရှိရသည်။
အဆိုပါ တရားမဝင် မြန်မာနိုင်ငံသား ၁၀၀ ဦးကို ဆန်ခလာဘူရီ ရဲစခန်းတွင် ထိန်းသိမ်း ဖမ်းဆီး စုံစမ်းစစ်ဆေးလျက်ရှိပြီး သက်ဆိုင်ရာ မြန်မာနိုင်ငံသို့ ပြန်လည် လွှဲပြောင်းပို့ဆောင်မည်ဖြစ်ကြောင်း သိရှိရသည်။
