ဒီကနေ့ ဩဂုတ် ၃၀ ရက် မနက်ပိုင်း တင်ဆက်ပေးမယ့် သတင်းတွေကတော့
အမေရိကန်အခြေစိုက် McKeon Group နှင့် DCI Group တွေက လော်ဘီလုပ်ပေးရုံနဲ့ မြန်မာစစ်တပ် လက် ဝယ်စွန်းထင်းနေတဲ့သွေးတွေကို ပြောင်စင်နိုင်မှာမဟုတ်ဘဲ စစ်တပ်ကို ဂယ်ပေါက်မရှိ နိုင်ငံတကာက အရေး ယူဖို့Justice For Myanmar (JFM)က တိုက်တွန်းပြောဆိုလိုက်ပါတယ်။
-စစ်ကိုင်းမြို့ပေါ်မှာ ပျူစောထီးအဖွဲ့တွေကို တပ်မ ၃၃ က ဖွဲ့စည်းပေးနေပြီး ပျူစောထီးအဖွဲ့တွေ ရပ် တည် လည်ပတ်နိုင်ရေးအတွက် ဆက်ကြေးကောက်မှုတာတွေ အောင်ဘာလေထီရောင်းချတာတွေ၊ စစ်မှု ထမ်းကြေးကောက်ခံတာတွေ၊ စစ်မှုထမ်းလူစားထိုးအရောင်းအဝယ်လုပ်တာတွေ အပါအဝင် ခြိမ်း ခြောက် ငွေကောက်ခံမှုတွေကို တရားဝင် ခွင့်ပြုထားတယ်လို့ စစ်ကိုင်းမြို့မှ ကင်းထောက်အဖွဲ့တချို့က ရန်ကုန် ခေတ်သစ်ကိုပြောပါတယ်။
တနင်္သာရီတိုင်း၊ သရက်ချောင်းမြို့နယ်အတွင်းရှိ ပြည်သူလူထု နေထိုင်နေတဲ့ ကျေးရွာတွေကိုစစ်အရာရှိ တွေက ဖျက်ဆီးဖို့ အမိန့်ပေးခဲ့တာကြောင့် မီးတင်ရှို့ခဲ့ရတယ်လို့ သရက်ချောင်းမြို့ အခြေစိုက် ခမရ ၄၀၄ မှ အလင်းဝင် လာတဲ့ တပ်သား မောင်ဇင်ကိုကိုက ဝန်ခံထွက်ဆိုလိုက်တဲ့ သတင်းအပါအဝင် မနက်ခင်း သတင်းတွေကို တင်ဆက်ပေးပါမယ်။
