ရန်ကုန်၊ ဩဂုတ် ၃၀
ပဲခူးတိုင်း၊ မင်းလှမြို့ပေါ်တွင် အကြမ်းဖက် စစ်ကောင်စီ ရွေးကောက်ပွဲကို ပူးပေါင်း ပါဝင်နေသော ကြံ့ဖွတ်ပါတီရုံးကို ဖောက်ခွဲ တိုက်ခိုက်ခဲ့ကြောင်း သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖိုမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဩဂုတ်လ ၂၉ ရက်နေ့ ည ၇ နာရီ ၂၀ မိနစ်ခန့်တွင် မင်းလှမြို့၊ ဗိုလ်ရုံတန်းရပ်ကွက်ရှိ ကြံ့ဖွတ်ပါတီရုံး ဝင်ပေါက်အနီးကို သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖိုက ဖောက်ခွဲ တိုက်ခိုက်ခဲ့ခြင်းဖြစ်ကြောင်း သိရသည်။
ထို ဗုံးခွဲ တိုက်ခိုက်မှု အတွင်း ကြံ့ဖွတ်ပါတီရုံး အစောင့် စစ်သား တချို့ ထိခိုက် ဒဏ်ရာ ရရှိခဲ့ပြီး တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
“စစ်ခွေးရွေးကောက်ပွဲကို ပူးပေါင်း ပါဝင်နေတဲ့ ကြံ့ဖွတ်ပါတီရုံးကို သတိပေးတဲ့အနေနဲ့ ဖောက်ခွဲ တိုက်ခိုက်ခဲ့တာ ဆက်လက်ပြီး ဒီထက်ပြင်းထန်တဲ့ တိုက်ခိုက်မှုတွေ လုပ်ဆောင်သွားဦးမယ် ဆိုတာ ပြည်သူတွေကို အသိပေး ပြောချင်တဲ့ တိုက်ခိုက်မှုတွေ ပိုပြင်းထန်လာနိုင်တာမို့ ပြည်သူတွေ အနေနဲ့ စစ်ခွေး ရွေးကောက်ပွဲကို လုံးဝ ပူပေါင်း ပါဝင်ခြင်းမပြုလုပ်ကြဖို့ မေတ္တာရပ်ခံခြင်းပါတယ်။ ကျနော်တို့ တိုက်ခိုက်မှုတွေဟာ သာယာဝတီခရိုင်အတွင်းမှာရှိတဲ့ မြို့နယ် အားလုံးမှာ လုပ်ဆောင်သွားဖို့ရှိပါတယ်” ဟု သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖိုမှ တာဝန်ရှိသူက ပြောဆိုသည်။
ယင်းတိုက်ခိုက်မှုသည် အကြမ်းဖက် စစ်တပ်က ပြုလုပ်မည့် တရားမဝင် ရွေးကောက်ပွဲကို လက်မခံကြောင်း သတိပေးတိုက်ခိုက်ခြင်းဖြစ်ပြီး ထိုတရားမဝင် ရွေးကောက်ပွဲတွင် ပါဝင်ကြမည့်သူများနှင့် အားပေးကူညီကြမည့်သူများအား ပြင်းပြင်းထန်ထန် တိုက်ခိုက်သွားမည်ဖြစ်ကြောင်း မြေအောက်ပြောက်ကျားတပ်ဖွဲ့-အုတ်ဖိုက အသိပေး ပြောဆိုထားသည်။
