ဒီကနေ့ ဩဂုတ် ၃၀ ရက် ညနေပိုင်း တင်ဆက်ပေးမယ့် သတင်းတွေကတော့
တနင်္သာရီတိုင်း၊ ရေဖြူမြို့နယ်၊ ဆယ်အိမ်စုကျေးရွာအနီး စစ်ကြောင်းထိုးလာတဲ့ အကြမ်းဖက် စစ်ကောင်စီတပ်ကို တော်လှန်ရေးပူးပေါင်းတပ်တွေ ဝိုင်းဝန်းတိုက်ခိုက်ခြေမှုန်းခဲ့တဲ့ တိုက်ပွဲအတွင်း စစ်ကောင်စီတပ်သား ၃၄ ဦးကတော့ အသီးသီး သေကုန်ကြပြီး စစ်တပ်က အထိနာသွားကြပြန်တယ်လို့ ရာမညမွန်တပ်တော်က တရားဝင် သတင်းထုတ်ပြန်ထားပါတယ်။
အကြမ်းဖက် မင်းအောင်လှိုင်အပါအဝင် စစ်ခေါင်းဆောင်တွေကို ဆဲဆိုမှုတွေနဲ့ ထောင်ဒဏ် ၁၁ နှစ်ချမှတ်ခံရတဲ့ စစ်တပ်ထောက်ခံသူ ဇော်ဘုန်းဟိန်းကို ပြန်လွှတ်ပေးဖို့ စစ်တပ်ထောက်ခံသူတချို့က မင်းအောင်လှိုင်ဆီကို အသနားခံစာ တင်ပေမယ့်လည်း လျစ်လျူခံရတယ်လို့ အသနားခံစာတင်တဲ့အထဲ ပါဝင်သူ ၁ ဦးကိုယ်တိုင်က ရန်ကုန်ခေတ်သစ်ကို အသိပေးပြောဆိုလာပါတယ်။
ပဲခူးတိုင်းက မင်းလှမြို့ပေါ်မှာ အကြမ်းဖက် စစ်ကောင်စီရဲ့ အတုအယောင် ရွေးကောက်ပွဲဝင်မယ့် စစ်တပ်လက်အောက်ခံ ကြံ့ဖွတ်ပါတီရုံးကို တော်လှန်ရေးရဲဘော်တွေက သတိပေးဖောက်ခွဲမှပြုလုပ်ခဲ့ပြီး သာယာဝတီခရိုင်အတွင်းက မြို့နယ် အားလုံးမှာ ရွေးကောက်ပွဲပူးပေါင်းမှုတွေကို တိုက်ခိုက်သွားမယ့် သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
