ဒီကနေ့ စက်တင်ဘာ ၂၇ ရက် ညနေပိုင်း တင်ဆက်ပေးမယ့် သတင်းတွေကတော့
အကြမ်းဖက် မင်းအောင်လှိုင်က အာဏာရှင်ဟောင်း သန်းရွှေ ရေးဆွဲခဲ့တဲ့၂၀၀၈ အခြေခံဥပဒေ အသေးစိတ် လေ့လာ သုံးသပ်ရေးအဖွဲ့တစ်ခုကို စစ်အရာရှိတွေ ၊ ဥပဒေသမားတချို့တွေနဲ့ ဖွဲ့စည်းပြီး စာတမ်းတွေ ပြုစု တင်ပြခိုင်းနေပြန်သလို ၊ အဲဒီ အခြေခံဥပဒေဖွဲ့စည်းပုံထဲမှာ စစ်တပ်ရဲ့ အခန်းကဏ္ဍကို ဒီ့ထက်ပိုပြီး မြင့်တင် လာနိုင်တယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
ကချင်ပြည်နယ် ၀ိုင်းမော်မြို့နယ်က လမြန်ကျေးရွာဘက် ထိုးစစ်ဆင်လာတဲ့ အကြမ်းဖက် စစ်တပ်စစ်ကြောင်းက ခမရ ၃၁၈ တပ်ရင်းမှူး ဒုတိယဗိုလ်မှူးကြီးဆိုသူ ပြင်းထန်ဒဏ်ရာတွေနဲ့ သေသွားပြီလို့ KIA စစ်ရေးသတင်းရင်း မြစ်က ရန်ကုန်ခေတ်သစ်ကို ပြောပါတယ်။
နွေဦးတော်လှန်ရေးကို ကမ္ဘာ့နိုငံတွေရဲ့ အခြေနေအရပ်ရပ်ကြောင့် မျက်နှာသာပေးမှုမရှိတဲ့အပေါ် အားမငယ်ပဲ ကိုယ့်ခွန်အားနဲ့ကိုယ် တော်လှန်ရေးကို အဆုံးသတ်အောင်ပွဲဆင်နိုင်တာကို ပြသရမယ်လို့ NUG ဝန်ကြီးချုပ် မန်းဝင်းခိုင်သန်းက ပြောဆိုလိုက်တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။
