ကချင်ပြည်နယ်၊ ဖားကန့်မြို့အရှေ့ဘက်သို့ အကြမ်းဖက်စစ်တပ်က ထပ်မံ စစ်ကြောင်းထိုးလာသဖြင့် တိုက်ပွဲ ဆက်လက်ပြင်းထန်နေကြောင်း KIA စစ်ရေးသတင်းရင်းမြစ်က ရန်ကုန်ခေတ်သစ်သတင်းဌာန ထံသို့ ပြောကြားသည်။
ယနေ့ အောက်တိုဘာလ ၁၀ ရက်နေ့ နံနက် ၈ နာရီခန့်က ဖားကန့်မြို့၊ လုံးခင်းကျေးရွာအုပ်စု၊ ယမ်း ချက်ဘက်မှ တဆင့် ဖားကန့်မြို့အရှေ့ဘက် မလန်းကျေးရွာဘက်သို့ အကြမ်းဖက်စစ်တပ်က အင် အား အလုံးအရင်းဖြင့် စစ် ကြောင်းထိုးလာခဲ့ရာ KIA ၊ KPDF တပ်ဖွဲ့နှင့် တိုက်ပွဲပြင်းထန်နေပြီး အ ကြမ်းဖက်စစ်တပ်က အထိနာသောကြောင့် Y12 လေယာဉ်ဖြင့် ဗုံးသီး အလုံး ၄၀ ခန့်ကျဲချ တိုက် ခိုက်ခဲ့ကြောင်း သိရသည်။
“ဖားကန့်မြို့ရဲ့အရှေ့ဘက်အခြမ်း မလန်းကျေးရွာဘက်ကို စစ်ကောင်စီ စစ်ကြောင်းတွေက လုံးခင်း၊ ယမ်းချက်ဘက်ကနေ စစ်ကြောင်းထိုးလာတဲ့အတွက် တိုက်ပွဲတောက်လျှောက်ဖြစ်ပွားနေတာ ၅ ရက် ၆ ရက်ရှိပြီ။ KIA ၊ KPDF ပူးပေါင်းတပ်ဖွဲ့ကလည်း ဒရုန်းတွေ၊လက်နက်ကြီးတွေနဲ့ ပြန်လည်ခုခံ တိုက် ခိုက်တော့ တိုက်ပွဲတွေ တောက်လျှောက်ဖြစ်ပွားနေတယ်။ စစ်ကောင်စီစစ်ကြောင်းဘက်ကလည်း အထိနာတာ ရှိတယ်။ အဲလိုအထိနာတော့ လေကြောင်းသုံးတယ်။ ဒီမနက်က Y12 နဲ့တိုက်ခိုက်သွား တယ်၊ Y12 နဲ့ ၉ ခေါက်လောက်ပတ်ပြီးတော့ ဗုံး အလုံး လေးငါးဆယ် လောက်ချသွားတာ” ဟု KIA စစ်ရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။
ယင်းအကြမ်းဖက်စစ်တပ်စစ်ကြောင်းသည် ဖားကန့်မြို့ အရှေ့ဘက်ခြမ်းရှိ လယ်ပြင် ၊ မလန်း၊ ရွာ ဟောင်းဘက်တို့မှ ဆိုင်းတောင်ကျေးရွာဘက်ကို စစ်ကြောင်းထိုးနေခြင်းဖြစ်ပြီး ဖားကန့်မြို့ တပ်မ ကုန်းမှ လက်နက်ကြီး၊ ဒရုန်းများဖြင့် ပစ်ကူပေးတိုက်ခိုက်သော်လည်းအထိနာလျက်ရှိသောကြောင့် လေကြောင်းဖြင့် တိုက်ခိုက်နေခြင်းဖြစ်ကြောင်း၊ ယမန်နေ့ အောက်တိုဘာလ ၉ ရက် မွန်းတည့် ၁၂ နာရီခန့်ကလည်း ဂျက်ဖိုက်တာဖြင့် ဗုံးကြဲတိုက်ခိုက်ခဲ့သေးကြောင်း သိရသည်။
ဖားကန့်မြို့သို့ အကြမ်းဖက်စစ်ကောင်စီ၏ တပ်မ ၃၃ တပ်မမှူး ဗိုလ်မှူးချုပ် ကောင်းမင်းထွဋ်နှင့် မိုး ကောင်းအခြေစိုက် တပ်မဟာ ၃ တပ်မမှူး ဗိုလ်မှူးချုပ် ဇော်ဝင်းတို့ ဦးဆောင်သည့် အကြမ်းဖက်စစ် ကြောင်းက ပြည်သူလူထုကို လက်နက်ကြီး၊ ဒရုန်း၊ လက်နက်ငယ်များဖြင့် ပစ်ခတ်သတ်ဖြတ်မှု ကြောင့် ၄ လကျော်အတွင်း ပြည်သူ ၉၀ နီးပါး သေဆုံးကာ ၂၇၀ ကျော်ဒဏ်ရာရရှိခဲ့ကြောင်း သိရ သည်။
ဓာတ်ပုံ – ဇူလိုင်လနှောင်းပိုင်းမှစတင်ပြီး ဖားကန့်ဒေသသို့ စစ်ကြောင်းထိုးလာသော စစ်တပ်စစ်ကြောင်း။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
