တနင်္သာရီတိုင်း၊ ပုလောမြို့နယ်တွင် ခလရ ၁၀၁ တပ်ရင်းမှ စစ်မှုထမ်း တပ်သားသစ် ၁ ဦး နှင့် ခမရ ၄၃၃ တပ်ရင်း စစ်မှုထမ်း တပ်သားသစ် ၁ဦးတို့သည် သေနတ် ၁လက် ယူဆောင်လာပြီး အလင်းဝင်ခဲ့ကြောင်း တောကြီးမြွေဟောက်တပ်ဖွဲ့- King Cobra Force မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ပြောဆိုသည်။
စက်တင်ဘာလ ၂၁ ရက်နေ့ ခမရ ၄၃၃ တပ်ရင်းမှ စစ်မှုထမ်း တပ်သားသစ် ကိုသိုင်းသည် သေနတ်ယူဆောင်လာခြင်းမရှိဘဲ ကရင်အမျိုးသားလွတ်မြောက်ရေးတပ်မတော် -KNLA ၊တပ်မဟာ ၄ တပ်ရင်း ၇ ၊KNDOတပ်ခွဲ ၂ လက်အောက်ခံ တော ကြီးမြွေဟောက်တပ်ဖွဲ့(King Cobra Force) ထံသို့ အလင်းဝင်ရောက်လာခဲ့ကြောင်း၊ အောက်တိုဘာလ ၁၀ရက်နေ့တွင်လည်း ပုလောမြို့နယ်တွင် ခလရ ၁၀၁ တပ်ရင်းမှ စစ်မှုထမ်း တပ်သားသစ် ရဲသီဟသည် သေနတ် ၁ လက်နှင့်အတူ အလင်းဝင်ရန် ဆက်သွယ်လာသောကြောင့် တောကြီးမြွေဟောက်တပ်ဖွဲ့(King Cobra Force) ရဲဘော်များက သွားရောက်ကြိုဆို လက်ခံရရှိခဲ့ကြောင်းသိရှိရသည်။
အလင်းဝင်ရောက်လာသော စစ်မူ့ထမ်းတပ်သားသစ် ရဲသီဟနှင့် အတူ လက်နက် MA-1 ၁ လက်၊ ကျည်ဘောက် ၄ ခု ကိုပါ သိမ်းဆည်းရရှိခဲ့ကြောင်း၊ စစ်မှုထမ်း တပ်သားသစ် ရဲသီဟသည် အသက် ၁၉နှစ်အရွယ်ဖြစ်ပြီး ၂၀၂၄ခုနှစ် ဇန်နဝါရီလ ၁၅ ရက်နေ့တွင် အတင်းအဓမ္မဖမ်းဆီးခံခဲ့ရပြီး မြိတ်မြို့သို့ ပို့ဆောင်ခံခဲ့ရကြောင်း ၊အခြား အလင်းဝင် စစ်မှုထမ်း တပ်သားသစ် ကိုသိုင်းမှာမူ အသက် ၂၉နှစ်အရွယ်ဖြစ်ပြီး ၂၀၂၄ခုနှစ် ဧပြီလ ၁၃ ရက်နေ့တွင် အကြမ်းဖက်စစ်ကောင်စီက အတင်းအဓမ္မတပ် သားဖြစ်စုဆောင်းကာ မြိတ်မြို့သိုပို့ဆောင်ခံခဲ့ရသူဖြစ်ကြောင်း သိရှိရသည်။
ပြည်သူရင်ခွင်ခိုလှုံလာသော စစ်မူထမ်းတပ်သားသစ်များကို တောကြီးမြွေဟောက်တပ်ဖွဲ့(King Cobra Force)က ထိုက် တန်သော ဆုကြေးငွေများချီး မြင့်၍ကောင်းမွန်စွာစောက်ရှောက်မူပေးထားခဲ့ကြောင်း၊ အလားတူပင် အာဏာရှင်စစ်ကောင်စီအကြမ်းဖက်တပ်မှ စစ်မူထမ်းများ အလင်းဝင်ရောက်၍ပြည်သူ့ရင်ခွင်ခိုလှုံလိုပါက တောကြီးမြွေဟောက်(King Cobra Force)တပ်ဖွဲ့အပြင် သက်ဆိုင်ရာနယ်မြေအသီးသီးမှ တော်လှန်ရေးတပ်ဖွဲ့များထံသို့လည်း ဆက်သွယ်နိုင်ကြောင်း တောကြီး မြွေဟောက်တပ်ဖွဲ့- King Cobra Force မှ အသိးပေးနှိုးဆော်ထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
