ရန်ကုန်၊ အောက်တိုဘာ ၂၃
အကြမ်းဖက်စစ်ခေါင်းဆောင် မင်းအောင်လှိုင်အနေဖြင့် အာဆီယံ ထိပ်သီးအစည်း အဝေးသို့ တက်ခွင့်ရရှိမည်မဟုတ်ကြောင်း အာဆီယံဥက္ကဋ္ဌ မလေးရှားဝန်ကြီးချုပ်က တရား၀င် ထုတ်ဖော်ပြောဆိုလိုက်သည်ဟု မလေးရှား Bernama သတင်းဌာနက သတင်းဖော်ပြသည်။
အောက်တိုဘာလ ၂၆ ရက်နေ့မှ အောက်တိုဘာလ ၂၈ ရက်နေ့ အထိ မလေးရှားနိုင်ငံ၊ ကွာလာလမ်ပူမြို့တွင် ၄၇ ကြိမ်မြောက် အာဆီယံ ထိပ်သီးအစည်း အဝေး တက်ရောက်မည့် ခေါင်းဆောင်စာရင်းတွင် မင်းအောင်လှိုင်ပါဝင်သည်ဟု အကြမ်းဖက်စစ်တပ် လော်ဘီများက ဝါဒဖြန့်နေမှုများမှာ ယခုအခါ မလေးရှားဝန်ကြီးချုပ်၏ တရားဝင် ထုတ်ဖော်ပြောဆိုမှုကြောင့် အဆုံးသတ်သွားခဲ့ပြီဖြစ်သည်။
မလေးရှားဝန်ကြီးချုပ်၏ အဆိုအရ မြန်မာ စစ်ခေါင်းဆောင် မင်းအောင်လှိုင်မှာ အာဆီယံထိပ်သီးအစည်းအဝေးသို့ တက်ရောက်မည် မဟုတ်ဟု အတည်ပြုလိုက်ခြင်းဖြစ်ပြီး မြန်မာ့နိုင်ငံရေးအကျပ်အတည်းကို ဖြေရှင်းရန် အာဆီယံအနေဖြင့် ဘုံသဘောတူညီချက် ၅ ရပ်အပေါ်တွင်သာ ဆက်လက် ရပ်တည်ဆဲဖြစ်ကြောင်း၊ ဘုံသဘောတူညီချက် ၅ ချက်ကို ခိုင်မာစွာ ဆုပ်ကိုင်ထားဆဲဖြစ် ကြောင်း တရားဝင် ထုတ်ဖော်ပြောဆိုသည်။
လာမည့် ၄၇ ကြိမ်မြောက် အာဆီယံထိပ်သီးအစည်းအဝေးတွင် ဖိလစ်ပိုင် နိုင်ငံက အာဆီယံဥက္ကဋ္ဌ ရာထူးကို လွှဲပြောင်းရယူမည်ဖြစ်ပြီး တီမောနိုင်ငံမှာလည်း အာဆီယံအဖွဲ့ဝင် နိုင်ငံသစ်တစ်ခုဖြစ်လာမည်ဖြစ်သည်။
အကြမ်းဖက် စစ်ခေါင်းဆောင် မင်းအောင်လှိုင်မှာ ၂၀၂၁ ခုနှစ် စတင် စစ်အာ ဏာ သိမ်းချိန်က တည်းက အာဆီယံဘုံသဘောတူညီချက် ၅ ချက်ကို အကောင် အထည်ဖော် ရန် ပျက်ကွက်မှုဖြင့် အာဆီယံက ထိပ်သီးအစည်း အဝေးများနှင့် နောက်ဆက်တွဲ အစည်းအဝေးများသို့ တက်ရောက်ခွင့်ပိတ်ပင်ခံခဲ့ရခြင်းဖြစ်ကာ ၅ နှစ်ဆက်တိုက် အာဆီယံအစည်းအဝေးများ တက်ခွင့် မရရှိခဲ့ခြင်းဖြစ်သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
