ဒီကနေ့ နိုဝင်ဘာ ၁၅ ရက် မနက်ပိုင်း တင်ဆက်ပေးမယ့် သတင်းတွေကတော့
အကြမ်းဖက်စစ်တပ်အခြေစိုက် နေပြည်တော်၊ ဥတ္တရသီရိမြို့နယ်က စစ်တပ်စခန်းကို PLA က ၀င်ရောက်စီးနင်းပြီး နေပြည်တော်ဝန်းကျင်အထိ PLA က ရောက်ရှိနေရာယူထားတယ်လို့ ပြည်သူ့ လွတ်မြောက်ရေးတပ်မတော် – PLA အထွေထွေအတွင်းရေးမှူး ရဲဘော်နီနီကျော်က ရန်ကုန်ခေတ်သစ်ကို ပြောပါတယ်။
အကြမ်းဖက်မင်းအောင်လှိုင်က သားဖြစ်သူရဲ့ စီးပွားရေးလူယုံ မောင်မောင်နိုင်၊ ရွှေသံလွင် ကျော်ဝင်း၊ ဝင်းအောင်၊ အေးဝင်း၊ အိုက်ထွန်းအပါအဝင် ခရိုနီနဲ့ သူဌေးတွေကို လူမှုထူးချွန်ဆုတံဆိပ်တွေ ပေးအပ်လိုက်တယ်လို့ မနေ့က ထုတ်ပြန်လိုက်ပါတယ်။
တနင်္သာရီတိုင်း၊ လောင်းလုံးမြို့နယ်အတွင်း အကြမ်းဖက်စစ်တပ်က ကြည်း၊ ရေ၊ လေ စစ်ဆင်ရေးနဲ့ စစ်ကြောင်းထိုးဖို့ ပြင်ဆင်နေပြီး ဖုန်းလိုင်းတွေပါ ဖြတ်တောက်ထားတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
