ဒီကနေ့ နိုဝင်ဘာ ၂၂ ရက် မနက်ပိုင်း တင်ဆက်ပေးမယ့် သတင်းတွေကတော့
-ရန်ကုန်တိုင်း၊ သင်္ဃန်းကျွန်းမြို့နယ်၊ သု၀ဏ္ဏအားကစားပြိုင်ပွဲရုံ ၁ မှာ ကြံ့ဖွတ်ပါတီက ခင်ရီက မဲဆွယ်ပွဲ ပြုလုပ်ခဲ့ရာမှာ နေ့စားခပေးမယ်လို့ဆိုပြီး မြို့အစွန်တွေမှာနေတဲ့ ဝင်ငွေနည်းပြည်သူတချို့ကို ခေါ်ယူခဲ့ ပေမယ့် ၂ ရက်ကြာတဲ့အထိ နေ့စားခပေးခြင်းမရှိဘူးလို့ အဲဒီပွဲကို လိုက်ပါခဲ့ပြီး နေ့စားခမရရှိခဲ့သူတချို့က ရန်ကုန်ခေတ်သစ်ကို ပြောပါတယ်။
ကရင်နီပြည်၊ ဖားဆောင်းမြို့နယ်၊ မော်ချီးဒေသက ခဲလုပ်ကွက်ကို အကြမ်းဖက်စစ်တပ်က လေကြောင်းကနေဗုံးကျဲတိုက်ခိုက်ခဲ့ရာ ပြည်သူ ၅ ဦး သေဆုံးပြီး အများအပြားဒဏ်ရာရရှိခဲ့တယ်လို့ ဒေသ နေပြည်သူတွေက ရန်ကုန်ခေတ်သစ်ကို ပြောပါတယ်။
မကွေးတိုင်း၊ ပေါက်မြို့နယ်က ဝန်ကျုံးနဲ့ သစ်ချိုကုန်းပျူစောထီးရွာ ၂ ခုကို တော်လှန်ရေးတပ်ဖွဲ့က တိုက်ခိုက်သိမ်းပိုက်ပြီး စစ်ကြောင်းထိုးနေတဲ့စစ်တပ်ကို လိုက်လံတိုက်ခိုက်ရာ စစ်သား ၃ ဦး အရှင်ဖမ်းမိပြီး ရုပ်အလောင်းတွေပါ သိမ်းဆည်းရရှိခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
