ရန်ကုန်၊ နိုဝင်ဘာ ၂၈
တနင်္သာရီတိုင်း၊ ရေဖြူမြို့နယ်တွင် ခလရ ၄ဝ၄ တပ်ရင်းမှ စစ်မှုထမ်း တပ်သားသစ် ၅ ဦးက သေနတ် ၅ လက်နှင့် ခဲယမ်းများယူဆောင်လာပြီး အလင်းဝင်ရောက် လာကြောင်း Ba Htoo Army – BHA မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ပြောဆိုသည်။
နိုဝင်ဘာလ ၂၇ ရက်နေ့ ရေဖြူမြို့နယ် ၊ ရန်ကင်းကျေးရွာ ၊ ရန်ကင်းတံတား ကာကင်းဂိတ်စခန်းတွင်တာဝန်ကျနေသော ခလရ ၄ဝ၄ တပ်ရင်း မှ စစ်မှုထမ်း တပ်သားသစ် ရဲလွင်မိုး ၊ အောင်အောင် ၊ ငြိမ်းချမ်းဇော် ၊ အောင်ခန့်ဇော် နှင့် သက်ထွန်းဝေတို့က သေနတ် ၅ လက်နှင့်ခဲယမ်းများယူဆောင်လာပြီး Ba Htoo Army – BHA ထံသို့ အလင်းဝင်ရောက်ခဲ့ကြောင်းသိရှိရသည်၊
အလင်းဝင် စစ်မှုထမ်း တပ်သားသစ် ၅ ဦးက MA-1 သေနတ် ၃ လက် ၊ MA-2 သေနတ် ၁ လက် ၊ MA-4 သေနတ် ၁ လက် ၊ ကျည်ဘောက် ၁၇ ခု ၊ အီနာဂါဗုံးသီး ၂ လုံး နှင့် (5.56)ကျည် ၁၁၆၇ တောင့် နှင့်အတူ အလင်းဝင်ရောက်လာခဲ့ကြောင်း၊ ထိုအလင်းဝင်ရောက်လာသာ ၅ ဦးကို တစ်ဦးလျှင် ဆုကြေးငွေအဖြစ် ကျပ် ၄၀ သိန်းစီ ချီးမြှင့်ခဲ့ပြီး ၎င်းတို့၏ သဘောဆန္ဒအတိုင်း ပြည်ပသို့ သွားရောက်အလုပ်လုပ်နိုင်ရန် ကူညီဆောင်ရွက်ပေးခဲ့ကြောင်းသိရှိရသည်။
“သူတို့တာဝန်ကျတဲ့ ကာကင်းစခန်းကနေ ထွက်ပြေးလာခဲ့တာပါ။ အလင်းဝင်ရောက်လာတဲ့သူက ၅ ဦးစလုံးက စစ်မှုထမ်းတပ်သားတွေပါ။ အလင်းဝင်ရောက်လာတဲ့သူ ၅ ဦးစလုံးက စစ်မှုထမ်း အပတ်စဥ် ၅၊ ၈ ၊ ၁၁ အဲဒီသုံးခုကပါ။ စစ်မှုထမ်း အပတ်စဉ် ၅ကလည်းပါတယ်။ ၈ကလည်းပါတယ်။ ၁၁ကလည်းပါတယ်။ အလင်းဝင်ရောက်လာတဲ့သူ စစ်မှုထမ်း တပ်သားသစ် ၅ဦးစလုံးက နေထိုင်တဲ့ မြို့နယ်တွေက ရန်ကုန် ၊ ဧရာဝတီ ၊ ပဲခူး ၊ ရှမ်းပြည်၊ နေရာစုံကပါတယ်။ အလင်းဝင်ရောက်လာတဲ့သူက ၅ ဦးစလုံးက ပေါ်တာဆွဲခံရတဲ့သူတွေပါ”ဟု Ba Htoo Army – BHA မှ တာဝန်ရှိသူကဆိုသည်။
အကြမ်းဖက် စစ်တပ်မှ လေကြောင်းတိုက်ခိုက်မှုအား နိုင်ငံ၏ နေရာဒေသအသီးသီးတွင် အဓိကထားအသုံးပြုတို-က်ခို-က်လာသည်နှင့်အမျှ ပြည်သူများအနေဖြင့် လေကြောင်းတိုက်ခိုက်မှုအန္တာရာယ် ကာကွယ်နိုင်ရန် အတွက် ကြိုတင်ပြင်ဆင်မှုများပြုလုပ်ထားကြရန်၊ အကြမ်းဖက်စစ်တပ် ၏ လက်ကိုင်တုတ်ဖြစ်သော ပျူစောထီးများ ၊ ပြည်သူ့စစ်အဖွဲ့ဝင်များ နှင့် စစ်ကော်မရှင် လက်အောက်ခံ တပ်ဖွဲ့ဝင်များ အနေဖြင့် တနိုင်ငံလုံးအတိုင်း အတာ ကျရှုံးမှုပေါင်းများစွာဖြင့်ရင်ဆိုင်နေရသည့် အကြမ်းဖက် စစ်တပ်ကို စွန့်ခွာ၍ ပြည်သူ့ရင်ခွင် အမြန်ဆုံးခိုလှုံဝင်ရောက်ကြပါရန် Ba Htoo Army – BHA က အသိပေးနှိုးဆော်ထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
