Khit Thit သတင်းဌာန၏ ဩဂုတ်၂၃ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ် ဒီကနေ့ ဩဂုတ်၂၄ ရက် ညနေပိုင်း ရရှိထားတဲ့သတင်းတွေကတော့ တိုင်းရင်းသားလက်နက်ကိုင်အဖွဲ့ (EAO) တွေ အနေနဲ့ တစ်နိုင်ငံလုံး အပစ်ရပ်စာချုပ် NCA လက်မှတ် ထိုးပြီးပါက လက်နက်ဆက်ကိုင်ချင်ရင် စစ်ကောင်စီတပ် နဲ့ နယ်ခြားစောင့်တပ် ထဲ ဝင်နိုင်တယ်လို့ အကြမ်းဖက် အာဏာလု မင်းအောင်လှိုင်က ပြောပါတယ်။ -ရန်ကုန်တိုင်း၊ တောင်ဒဂုံမြို့နယ်၊ ၁၈ (အီး) ရပ်ကွက်မှာ ဒီကနေ့ ဩဂုတ်လ ၂၃ ရက်နေ့ မနက်ပိုင်းက ကြံ့ဖွတ်ပါတီဝင်၊ စစ်တပ် အမာခံ ၊ သတင်းပေး ဒလန် တင်အောင်ဆိုသူ ပစ်ခတ်ခံရပြီး သေသွားတယ်လို့ သိရပါတယ်။ – ရန်ကုန်တိုင်း၊ တွံ့တေးမြို့နယ်၊ ထွေ/အုပ်ရုံးမှာ မြို့နယ် စစ်ကောင်စီက ဆင့်ခေါ် တဲ့ အစည်းအဝေးကို တက်ရောက်ပြီး ပြန်လာတဲ့ ဇီဖြူကုန်း- ကျေးရွာအုပ်ချုပ်ရေးမှူး ခင်ညွှန့် နဲ့ ရာအိမ်မှူးတွေ လိုက်ပါ လာတဲ့ ကား ဟာ ဩဂုတ်လ ၂၂ ရက်နေ့က ပစ်ခတ်ခံရပြီး လူ ၆ ဦး သေသွားတယ်လို့ ဒေသခံတွေ နဲ့ စစ်တပ် သတင်းရင်းမြစ်တချို့က ပြောပါတယ်။ – စစ်ကိုင်းတိုင်း ကန့်ဘလူမြို့နယ် ၊ ညောင်ကုန်း- ကျေးရွာကို အကြမ်းဖက် စစ်ကောင်စီတပ်က သြဂုတ် လ ၂၂ ရက်နေ့ ညနေ ၄ နာရီလောက်မှာ ရွာလုံးကျွတ် မီးရှို့ဖျက် ဆီးခဲ့တဲ့အတွက် တစ်ရွာ လုံးနီးပါး မီးလောင်ပြာကျသွားတဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။