Khit Thit သတင်းဌာန၏ စက်တင်ဘာ ၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ စက်တင်ဘာ ၂ ရက် မနက်ပိုင်း ရရှိထားတဲ့သတင်းတွေကတော့ -တနင်္သာရီတိုင်း၊ ထားဝယ်မြို့နယ်၊ သရက်ငုတ်ရွာအနီး မနေ့မနက်ပိုင်းက စစ်ကောင်စီတပ်သားတွေနဲ့ ပြည်သူ့ကာကွယ်ရေးတပ်ဖွဲ့တွေတိုက်ပွဲဖြစ်ပွားခဲ့ပြီး စစ်ကောင်စီတပ်သား ၇ ဦးထက်မနည်း သေသွား တယ်လို့ သိရပါတယ်။ – ရန်ကုန် အလုံဆင်မင်းစျေးနဲ့ ငုဝါလမ်းကို ည ၁၁ နာရီလောက်က စစ်တပ်နဲ့ ရဲက ဝင်ရောက်စီးနင်းပြီး လူငယ် ၃ ဦးထက်မနည်း ဖမ်းဆီးသွားတာလို့ ဒေသခံတစ်ဦးက ပြောပါတယ်။ – အကြမ်းဖက်စစ်ကောင်စီရဲ့အနောက်တိုင်းစစ်ဌာနချုပ်တည်ရှိရာ ရခိုင်ပြည်၊ မအီ-အမ်း ကားလမ်း တစ်လျှောက် မောင်းလာတဲ့စစ်ကောင်စီယာဉ်ကို အမ်းမြို့နယ်မြေနီရွာနဲ့ တလိုင်းတောင်ရွာကြားမှာ ရက္ခိုင့်တပ်တော် AA က မိုင်းဆွဲ တိုက်ခိုက်ခဲ့ပါတယ်။ – – ပဲခူးတိုင်း၊ တောင်ငူမြို့နယ်နဲ့ ထန်းတပင်မြို့နယ်အစပ် ဒိုးသောင်တံတားထိပ်မှာ ဩဂုတ်လ ၃၁ ရက်နေ့ ညနေပိုင်း က စစ်ကောင်စီတပ်နဲ့ KNLA ၊ PDF ပူးပေါင်း မြွေပွေးစစ်ကြောင်းတို့ တိုက်ပွဲဖြစ်ပွားရာ စစ်ကောင်စီဘက်က ၅ ဦးခန့် သေသွားနိုင်တဲ့သတငးအပါအဝင်နောက်ဆုံးရသတင်းတွေကိုတင်ဆက်ပေးပါမယ်။
