Khit Thit သတင်းဌာန၏ အောက်တိုဘာ ၁၂ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ အောက်တိုဘာ ၁၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၁၂ ရက် မနက်ပိုင်းတင်ဆက်ပေးမယ့် သတင်းတွေကတော့ -မန္တလေးတိုင်း မြင်းခြံမြို့နယ် နတ်ကြီးရွာနဲ့ ကုလည်းရွာအကြားမှာ စစ်တပ်ယာဥ်တန်း မိုင်းဆွဲ တိုက်ခိုက်ခံရပြီး စစ်သား ၉ ဦးသေသွားတယ်လို့ သိရပါတယ်။ – စစ်ကိုင်းတိုင်း မြောင်မြို့နယ် လဝကရုံးနဲ့ စစ်ဆေးရေးလုပ်ဆောင်နေတဲ့ စစ်ကောင်စီတပ်ဖွဲ့တွေ ဒရုန်းနဲ့ ဗုံးသီးချ တိုက်ခိုက်ခံရပြီး စစ်ကောင်စီတပ်သား ၄ ဦးသေသွားတယ်လို့သိရပါတယ်။ – မြန်မာစစ်တပ်ဟာ ဂျပန်နိုင်ငံကထောက်ပံ့တဲ့ ခရီးသည်တင်သင်္ဘောနှစ်စင်းကို ရခိုင်ပြည်နယ်အတွင်း စစ်ရေး ကိစ္စတွေအတွက် ပြီးခဲ့တဲ့စက်တင်ဘာလအတွင်းက အသုံးပြုခဲ့တယ်လို့ Human Rights Watch (HRW) အဖွဲ့က ထုတ်ပြန်ပြောဆိုလိုက်ပါတယ်။ – ရန်ကုန်တိုင်း၊ မြောက်ဥက္ကလာပမြို့နယ်၊ စ ရပ်ကွက်မှာရှိတဲ့ စစ်တပ်တိုက်လေယာဉ်မှူး ပိုင်းလော့ ဒုတိယဗိုလ်မှူးကြီးကျော်ကျော်ထွန်းရဲ့ နေအိမ် မနေ့ည ၈ နာရီကျော်အချိန်မှာ ဗုံးခွဲတိုက်ခိုက်ခံရတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။