Khit Thit သတင်းဌာန၏ နိုဝင်ဘာ ၇ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၇ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၇ ရက်နေ့ နေ့လယ်ပိုင်းတင်ဆက်ပေးမယ့် သတင်းတွေကတော့ – ပြည်တွင်းမှာ ကမ္ဘာ့စတော့ရှယ်ယာစျေးကွက် ရင်းနှီးမြှုပ်နှံမှု အမည်ခံ Power 96 ကုမ္ပဏီဟာ ငွေကျပ် သိန်းပေါင်း ၇ သောင်းကျော်ကို လိမ်လည်ပြီး စင်ကာပူကို ထွက်ပြေးခဲ့ရာကနေ အခုအခါ လူမှုကွန်ရက် မှာ Page အသစ်နဲ့ ထပ်ပြီး ငွေလိမ်နေတယ်လို အဲ့ဒီ့ ကုမ္ပဏီ နဲ့ ပတ်သက်ခဲ့သူတွေက ရန်ကုန်ခေတ်သစ် ကို ပြောပါတယ်။ -ရခိုင်ပြည်နယ်၊ စစ်တွေမြို့ပေါ်၊ ကမ်းနားလမ်းမှာရှိတဲ့ RV စားသောက်ဆိုင်ထဲမှာ နိုဝင်ဘာလ ၆ ရက်နေ့ ညနေပိုင်းက အကြမ်းဖက် စစ်ကောင်စီလက်အောက်ခံ ရခိုင်ပြည်နယ်ငါး – လုပ်ငန်းဦးစီးမှူး ဦးသက်ဦး ဆိုသူ သေနတ်နဲ့ ပစ်ခတ်ခံရပြီး၊ စစ်တွေဆေးရုံကြီး ရဲ့ အရေးပေါ် ICU အခန်းထဲမှာ အသက်လုနေရ တယ်လို့ ဆေးရုံသတင်းရပ်ကွက်က ပြောပါတယ်။ – မန္တလေးတိုင်း၊ မတ္တရာမြို့နယ်မှာ နိုဝင်ဘာလ ၆ ရက်နေ့က အကြမ်းဖက် စစ်ကောင်စီတပ် စစ်ကြောင်း ကို နတ်ဆိုးမြေအောက်တော်လှန်ရေးတပ်ဖွဲ့က မိုင်းဆွဲ တိုက်ခိုက်ခဲ့ရာမှာ စစ်ကောင်စီဘက်က ၉ ဦးသေသွားတဲ့သတင်းအပါဝင် နောက်ဆုံးရသတင်းတွေကို တင်ဆက်ပေးပါမယ်။